Aqmola oblysynda elik atqan brakonerler ustaldy
Vedomstvonyń málimetinshe, qazannyń 18-de Kókshetaý qalalyq PB kezekshilik bólimine «Tulpar-2» ekıpajy habarlasyp, «Kókshetaý-Rýzaevka» avtojolynyń 25 shaqyrymynda Kókshetaý qalasynyń 28 jastaǵy turǵyny basqarǵan «Nıva» kóligi toqtatylǵany jáne kólik ishinen tórt eliktiń eti, tegis uńǵymaly 16 kolıbrli myltyq pen 26 oq-dári tabylǵanyn aıtqan. Tekseris kezinde bularǵa ruqsat qujattary bolmaǵan. Kólik ishinde júrgizýshiden bólek, oblys ortalyǵynyń 28 jáne 52 jastaǵy turǵyndary bolǵan.
«Qazirgi kezde Qylmystyq kodekstiń 337 babynyń 1 bóligi «zańsyz ańshylyq» boıynsha sotqa deıingi tergeý amaldary júrgizilýde», - dedi vedmstvodan.
Sonymen birge, tabıǵatty qorǵaý polıtsııasy bóliminiń qyzmetkerleri men «Ohotzooprom» respýblıkalyq memlekettik kásipornynyń ınspektorlary Zerendi aýdanynyń Vıktorovka aýylynyń mańyndaǵy Aıdabol kólinde zańsyz balyq aýlaý oqıǵasy anyqtady.