Aqmola oblysynda eki myńnan astam azyq-túlik jıyntyǵy portal arqyly jetkizildi

KÓKShETAÝ. QazAqparat - Aqmola oblysynda ataýly áleýmettik kómek alýshylarǵa eki myńnan astam azyq-túlik jıyntyǵy áleýmettik qyzmetter portaly arqyly «pılottyq rejımde» jetkizildi. Kepildendirilgen áleýmettik paketti usyný bıylǵy jyldyń 1 qazanynan bastap portalǵa aýystyryldy, dep habarlaıdy QazAqparat tilshisi oblystyq ishki saıasat basqarmasyna silteme jasap.

Oblystyq jumyspen qamtýdy jáne áleýmettik baǵdarlamalardy úılestirý basqarmasynyń málimeti boıynsha pılottyq jobaǵa ataýly áleýmettik kómek alýshy 200 otbasy qatysady, onda bir jyldan alty jasqa deıingi 5,5 myńnan astam bala tárbıelenýde.

Gúlzat Serikqyzynyń otbasy áleýmettik qyzmetterdiń elektrondyq portaly arqyly óz balalaryna azyq-túlik-turmystyq jıyntyqtar alyp jatqan óńirdegi 200 otbasynyń biri boldy.

«Portalǵa ótinish berdim. Bul áldeqaıda ońaı jáne jyldam, sonymen qatar endi balalarymnyń qandaı azyq - túlik pen gıgıenalyq quraldardy alatynyn kóre alamyn», - deıdi Zerendi aýylynyń turǵyny Gúlzat Eshmaǵanbetova.

Elektrondy portaldyń yńǵaılylyǵyna azyq - túlik jekizýmen aınalysatyn «Darbaev K.K.» jeke kásipkerligi men gıgıenalyq quraldardy jetkizýshi «Kóktem» seriktestigin kóz jetkizip kórdi.

«Bizdiń kompanııa Aqmola oblysynda azyq-túlik jetkizýshi bolyp tabylady. Árıne, bizde úlken jaýapkershilik bar, óıtkeni ónimder balalarǵa arnalǵan. Biz, eń aldymen, sapany, jaramdylyq merzimin qadaǵalaımyz. Portalda tirkelip, AÁK alýshylarǵa taýarlardy jetkizý boıynsha pılottyq jobaǵa qatysqan kezde, osy platformanyń yńǵaılylyǵyn baǵalady. Áleýmettik qyzmetter portalynda jumys isteý yńǵaıly, barlyǵy túsinikti jáne tehnıkalyq saýatty ázirlengen. Qyzmetti jyljytýdyń barlyq protsesin ónim berýshi de, tapsyrys berýshi de qadaǵalaıdy – meniń oıymsha, barlyǵyna da osylaı jumys isteý yńǵaıly», - deıdi jeke kásipker Kóbentaı Dáribaev.

2021 jylǵy qańtarda osyndaı kómek alýshylardyń sany boljanyp otyr, olardyń barlyǵy kepildi áleýmettik paketterdi alý úshin portaldy paıdalanatyn bolady. Áleýmettik qyzmetter portalyndaǵy óziniń jeke kabınetinde árbir otbasy taýar jetkizýshilerin jáne kepildendirilgen áleýmettik paket jıyntyqtarynyń usynylatyn nusqalaryn óz betinshe tańdaı alady.

Qala turǵyndaryna Portaldy paıdalaný máseleleri boıynsha keńester men túsindirýlerdi «Adaldyq alańy» jalpy respýblıkalyq sybaılas jemqorlyqqa qarsy jobasy alańynda áleýmettik qorǵaý organdarynyń mamandary beredi. Olar halyqpen, sondaı-aq taýarlar men qyzmetterdiń áleýetti jetkizýshilerimen belsendi aqparattyq-túsindirý jumystaryn júrgizedi.