Aqmola oblysynda daýys berý qarqyn alyp keledi

KÓKShETAÝ. QazAqparat – Aqmola oblysynda daýys berý qyzý júrip jatyr. Oblystyq referendým komıssııasynyń málimetinshe, saǵat 12:00-ge deıin saılaýshylardyń 41,3 paıyzy daýys berdi, dep habarlaıdy QazAqparat tilshisi.

«Búgin saǵat 07:00-de oblysta referendým ýchaskelerinde daýys berý bastaldy. Turǵyndar daýys berýge belsendi qatysyp jatyr. Saǵat 12:00-de onlaın rejımde alynǵan málimetter boıynsha 209 632 adam daýys berdi», - dedi Aqmola oblystyq referendým komıssııasynyń tóraǵasy Manarbek Sadýov.

Aıta ketsek, Aqmola oblysynyń ákimi Ermek Marjyqpaev ózi tirkelgen referendým ýchaskesinde daýys berdi.

Al, Qosshy qalasynyń 97 jastaǵy turǵyny, soǵys ardageri Nurǵasym Ájitaev daýys berý úshin ýchaskege aıaqtaı bardy.

Sonymen birge, alǵashqylardyń biri bolyp Bulandy aýdanynda Aqylbekovter otbasy azamattyq paryzyn oryndady. Olar mamandandyrylǵan balalar men jasóspirimder sport mektebiniń bazasynda ashylǵan Makınsk qalasynyń №279 referendým ýchaskesinde daýys berdi.

Jastar da azamattyq ustanymyn tanytyp, referendým ýchaskelerine kóptep baryp jatyr. Alǵash ret daýys bergen 18 jasar Jázıra Júsipbekova estelik syılyq aldy.

«Men óziminiń jarqyn keleshegim úshin daýys berýge keldim. Men úshin bul kún máńgi este qalady», - dep áserimen bólisti ol.

Qazirgi tańda Aqmola oblysynda daýys berý 718 ýchaskede júrip jatyr.

Buǵan deıin alǵash ret daýys bergen kókshetaýlyq boıjetkenniń estelik syılyq alǵanyn jazǵan edik.