Aqmola oblysynda bıyl 3700-den astam túlek UBT tapsyrady

KÓKShETAÝ. QazAqparat - Aqmola oblysynda bıyl 4515 bala orta mektepti bitiredi. Onyń ishinde 3718 túlek nemese mektep bitirýshilerdiń 82,3 paıyzy UBT tapsyrýǵa ótinish berdi, dep habarlaıdy QazAqparat tilshisi oblystyq bilim basqarmasynyń baspasóz qyzmetine silteme jasap.

Vedomstvonyń málimetinshe, karantın rejımi kezindegi elimizde kóptegen orta mektepterdiń qashyqtan oqytý ádisine kóshýi testileýge esh áser etpeıdi. Mektep bitirýshi túlekter Ulttyq testileý ortalyǵynyń saıtyna tegin kirip, UBT tapsyrýǵa ótinishti onlaın rejımde qaldyrdy.

«Bıyl Aqmola oblysynda 4515 túlektiń 3718-i nemese 82,3 paıyzy UBT tapsyrýǵa nıet bildirip otyr. Oblysta ulttyq biryńǵaı testileýdiń segiz pýnkti jumys isteıdi. Olar Kókshetaý, Şýche, Atbasar, Esil, Stepnogor, Aqkól, Ereımentaý qalalarynda jáne Astrahanka aýylynda ornalasqan. Osy pýnktterdiń basshylary testileýdi tapsyrý oryndaryn nusqaýlyq talaptaryna sáıkes keltirý qajet. Bul aýdıtorııalardy daıyndaý, beınebaqylaý ótkizý, uıaly baılanys sıgnaldaryn basý júıeleriniń jumysy», - deıdi vedomstvodan.