Aqmola oblysynda akkýmýlıatorlardy qaıta óńdeıtin zaýyt salynyp jatyr

KÓKShETAÝ. QazAqparat - Oblysta jańartylatyn energııany damytý, jasyl qurylys, ornyqty jáne tıimdi organıkalyq aýyl sharýashylyǵy, qaldyqtardy basqarý jáne qaıta óńdeýdi qosa alǵanda, «jasyl ekonomıkaǵa» kóshý jónindegi jobalar sany ulǵaıýda. Sondyqtan memleket ekologııa salasyndaǵy jobalardy belsendi qoldaıdy, dep habarlaıdy QazAqparat tilshisi oblystyq ishki saıasat basqarmasyna silteme jasap.

Stepnogor qalasynda paıdalanylǵan akkýmýlıatorlardy qaıta óńdeý zaýytynyń qurylysy aıaqtalýda. Bul jobany «Damý» qory qarjylandyrdy. Elektr energııasyn saqtaýdyń hımııalyq quraldary ekologııaǵa zııandy. Sondyqtan jańa óndiris búkil aımaq úshin úlken mańyzǵa ıe.

«Qazaqstanda mundaı zaýyt tek Taldyqorǵanda ǵana bar. Tıisinshe, naryq úlken. Bizde shıkizat jınaýda problemalar bolmaıdy. Kóptegen jyldar boıy biz batareıalarmen aınalysamyz. Paıdalanylǵan qaldyqtar zaýyttarǵa jiberildi. Olardy zerttedi. Daıyn ónimge degen suranys ta joǵary»,- dedi joba jetekshisi Borıs Melnıkov.

Zaýyt jylyna shamamen 22 myń tonna paıdalanylǵan akkýmýlıatorlardy óńdeıtin bolady. Jobalyq qýatty 13 myń tonnaǵa jetedi. Daıyn ónimdi – qorǵasyn quımalaryn – akkýmýlıatorlar shyǵaratyn zaýyttarda satý josparlanýda. Syrtqy korpýstan alynatyn plastmassa polıetılen ónimderin óndiretin kásiporyndarǵa ótkiziletin bolady.

Aıta keteıik, zaýytty osy jyldyń jeltoqsan aıynda iske qosý josparlanyp otyr. Qazirdiń ózinde ǵımaratty qaıta qurý jumystary júrgizilýde, iske qosý-retteý jumystary júrgizilýde, ınfraqurylym tolyq qamtamasyz etildi, Reseıden jabdyqtar ákelindi. Turaqty negizde 70 adam jumysqa ornalasady.