Aqmola oblysy men BAÁ ekijaqty memorandýmǵa qol qoıdy
Sapardyń maqsaty - óńirge ınvestıtsııa tartý, taýar óndirýshilerdiń esporttyq áleýetin arttyrý. Sapar barysynda oblys ákimi Málik Myrzalın ámirliktiń basshysy, sheıh Saýd ben Sakrom al Kasımımen kezdesti. Kezdesýde Aqmola oblysy men Ras al-Haıma ámirligi, «Atameken» kásipkerler palatasy, «RAS» saýda-ónerkásip palatasy, «Esil» áleýmettik - kásipkerlik korporatsııasy» jáne «Rakez» arnaıy ekonomıkalyq aımaǵynyń ákimshisi arasynda áriptestik týraly ekjaqty kelisimshart jasaldy.
Osy kelisimshart aıasynda bıdaı daqyldaryn tereń óńdeý, bıdaı jáne un, et jáne et ónimderi óndirisi men eksportyn damytý, sondaı-aq Aqmola oblysyna Birikken Arab Ámirlikterinen týrısterdi tartý josparda bar.
Aıtalyq, 2017 jyly Aqmola oblysy men Birikken Arab Ámirlikteriniń arasynda syrtqy saýda aınalymy 2016 jylmen salystyrǵanda 5 esege, 2018 jyly 61 paıyzǵa artqan. Búgingi tańda Aqmola oblysynan Birikken Arab Ámirlikterine otandyq ónimder eksporttalýda. Aldaǵy ýaqytta et jáne astyq ónimderin jetkizý jolǵa qoıylatyn bolady. Qazirdiń ózinde Atbasar aýdanynan 800 tonna un eksportqa shyǵarylǵan. Araptar bizdiń oblysta shyǵarylatyn undy joǵary sapaly, ekologııalyq jaǵynan taza ónim ekenin aıtýda.
«Sapar kezinde aqmolalyq delegatsııa «Djýlpar» farmatsevtıkalyq zaýyty jáne «RAK Keramık» óndiristik nysanynda boldy.
Sonymen qatar, osy kúnderi Aqmola oblysynyń tanymal shyǵarmashylyq ujymy, halyqaralyq jáne respýblıkalyq bı festıvalderiniń laýreaty «Gákký» bı ansambli Birikken Arab Ámirlikteriniń Shardja qalasynda ótip jatqan «Qazaqtyń mádenı murasy aptalyǵyna» qatysýda. Al, Dýbaı qalasynda «GulFood - 2019» halyqaralyq mamandandyrylǵan kórmesi ótýde. Onda óńirimizdegi «INTER TRADE» jáne «Astana Agro Prodýkt» seriktestikteri tárizdi iri aýyl sharýashylyǵy taýar óndirýshileri et jáne un ónimderin usynýda», deıdi baspasóz qyzmetindegiler.
