Aqmola oblysynyń 95 eldi mekeninde turǵyn úıler sýdan aman qaldy
KÓKShETAÝ. KAZINFORM - Aqmola oblysynyń úsh aýdanynda sý tasqynyna qarsy jumystar táýlik boıy jalǵasýda. Óńirdiń 95 eldi mekeninde tasqyn sýdyń turǵyn úılerdi basýyna jol berilmedi.
Aýmaqtyq TJD baspasóz qyzmetiniń málimetinshe, búgingi tańda Jarqaıyń, Esil jáne Tselınograd aýdandarynda sý tasqynyna qarsy sharalarǵa QR Tótenshe jaǵdaılar mınıstrligi, Memlekettik kúzet qyzmeti, Іshki ister mınıstrligi, Qorǵanys mınıstrligi, atqarýshy organdar, sondaı-aq, volonterlar men jergilikti turǵyndardan barlyǵy 300 astam adam jáne 50 tehnıka jumyldyrylǵan.
«Qazirgi kezde oblystyń birqatar óńirlerinde sý tasqynynyń qaýipti kezeńi artta qaldy. Qosymsha kúshter men quraldar Atbasar jáne Jarqaıyń aýdandarynan ornalasqan jerlerine baǵyttaldy. Oblys boıynsha barlyǵy 95 eldi mekende jeke turǵyn úılerdi sý basýǵa jol berilmedi», - dedi vedomstvodan.
Aıta ketsek, budan buryn elimizdiń ózge oblystarynan Atbasarǵa sý tasqynymen kúresýge kelgen qutqarýshylar úılerine qaıtqanyn jazǵan edik.
