Aqmola oblysyndaǵy joldy burshaq basyp qaldy
ASTANA. KAZINFORM - Makınsk qalasyna tamyzdyń 30-y kúni jaýǵan qar Aqmola oblysyndaǵy jolda qozǵalysqk kedergi keltirdi.
Makınsk turǵyndary áleýmettik jelide aýa raıynyń qolaısyzdyǵyna shaǵymdandy. 30 tamyz kúni onda burshaq jaýyp, qala mańyndaǵy joldy basyp qalǵan.
-Aýa raıy qandaı ekenin qarańyzdar - qar. Bul – «Astana Býrabaı» tarassasynda, bulaı bolady dep kim oılaǵan, 2025 jyl! – dep jazdy jergilikti turǵyndardyń biri.
«Qazgıdromet» RMK Aqmola oblystyq fılıalynyń habarlaýynsha, buǵan deıin 30 tamyz kúni óńirdiń soltústigi men shyǵysynda qatty jańbyr, burshaq jaýyp, kúshti jel turatyny jóninde eskertý jarııalandy. Túnde oblystyń soltústik jáne shyǵys bóliginde, al kúndiz jalpy aımaqta naızaǵaı oınaıtyny eskertildi.
Osy qolaısyz aýa raıy jaǵdaıynda jol-kólik oqıǵasy tirkeldi.
Oblystyq polıtsııa departamentiniń baspasóz qyzmeti taratqan aqparatqa sáıkes, 30 tamyz kúni saǵat 13:09 shamasynda «Hyundai Tucson» avtokóliginiń júrgizýshisi Kókshetaý qalasyna qaraı baǵyt alyp kele jatyp, joldyń 196-shaqyrymynda qashyqtyqty saqtamaı, oǵan qosa burshaq pen jaýyn saldarynan rólge ıe bola almaı qalyp, aldynda kele jatqan «Volkswagen Polo» kóligine soqtyǵysqan.
— Jol-kólik oqıǵasy saldarynan «Volkswagen Polo» avtokóliginiń jolaýshysy medıtsınalyq mekemege jetkizildi. Oqıǵaǵa baılanysty «Hyundai Tucson» júrgizýshisine QR ÁQBtK-niń 610-baby boıynsha ákimshilik hattama toltyryldy, — dep málimdedi vedomstvo.
Aqmola oblysynda jol apatynan eki adam mert bolyp, tórteýi jaraqat alǵany týraly jazdyq.