Aqmola oblysyndaǵy joldarda 40 baqylaý-ótkizý beketi ornatyldy

ASTANA. KAZINFORM - Aqmola oblysynda 150-ge jýyq adam jylytý pýnktterine evakýatsııalandy.

Oblys joldaryndaǵy jaǵdaı týraly Aqmola oblysy Tótenshe jaǵdaılar departamentiniń baspasóz qyzmeti habarlady.

— Aqmola oblysynda 40 baqylaý-ótkizý beketi ornatylǵan, onda 228 júk kóligi men 25 jolaýshy kóligi jınaqtalǵan. Qutqarýshylar men polıtsııa qyzmetkerleriniń aldyn alý jumystarynyń arqasynda sońǵy 6 saǵattyń ózinde baqylaý-ótkizý beketterindegi kólikter sany 186 júk kóligine jáne 593 jeńil kólikke azaıdy, - dep habarlady vedomstvodan. 

Óńirde Tótenshe jaǵdaılar departamentinde jedel shtab quryldy. Jylytý pýnktterinde ystyq tamaqpen qamtylǵan 148 adam bar. Baqylaý beketterinde qalǵan júrgizýshiler men jolaýshylarǵa da ystyq tamaq beriledi.

Aıta keteıik, buǵan deıin Aqmola oblysynda 1 400-den astam adamnyń jabyq jolda qalǵany habarlanǵan bolatyn. Şýchınsk ótkizý beketinde 500-ge jýyq kólik jınalyp qalǵan.

Qarly boranǵa baılanysty Aqmola, Qaraǵandy ​​jáne Pavlodar oblystaryndaǵy tas joldarda kólik qozǵalysy shekteldi.