Aqmola oblysynda jol apatynan 1 adam kóz jumyp, úsheýi zardap shekti

KÓKShETAÝ. KAZINFORM - Aqmola oblysynda jol apatynan 1 adam kóz jumdy, úsheýi zardap shekti. Polıtsııa sotqa deıingi is qozǵap, tergeý amaldaryn bastap ketti.

Oblystyq PD baspasóz qyzmetiniń málimetinshe, jol-kólik oqıǵasy naýryzdyń 18-de saǵat 07:00 shamasynda «Ekaterınbor-Almaty» tas jolynyń 1346 shaqyrymynda boldy. 

Aldyn ala anyqtalǵandaı, Astana baǵytyndaǵy «Hyundai Sonata» kóliginiń 30 jastaǵy júrgizýshisi bir baǵytta júrip bara jatqan «Gazel» avtokóligimen soqtyǵysqan. 

Saldarynan jeńil avtokóliktiń jolaýshysy alǵan dene jaraqtynan kóz jumdy, taǵy úsh adam jaraqat aldy, onyń ekeýi «Hyundai Sonata» kóliginiń jolaýshysy men «Gazel”-diń 37 jastaǵy júrgizýshisi. 

«Qazirgi kezde, osy oqıǵa baılanysty sotqa deıingi is qozǵalyp, saraptama taǵaıyndaldy», — dedi vedomstvodan. 

Eske salaıyq, Aqmola oblysynda esirtkige masaıǵan júrgizýshi ustaldy.