Aqmola oblysynda zańsyz berilgen jer ýchaskesi qaıtaryldy

ASTANA. KAZINFORM – Jer zańnamasyn buza otyryp, 461 ga jaıylymdyq jerdi jeke menshikke bergeni anyqtaldy. Bul týraly Aqmola oblysynyń prokýratýrasynyń baspasóz qyzmeti habarlady. 

Shortandy aýdanynyń prokýratýrasy jer zańnamasynyń saqtalýyna turaqty túrde monıtorıng jáne taldaý júrgizedi.

— Tekserý nátıjesinde jergilikti atqarýshy organnyń jer zańnamasyn buza otyryp, 461 ga jaıylymdyq jerdi jeke menshikke bergeni anyqtaldy, — delingen habarlamada.

Qabyldanǵan sharalardyń nátıjesinde naryqtyq quny 6,4 mln teńgeden asatyn jer ýchaskesi memleket menshigine qaıtaryldy.

Osy basym baǵyttaǵy jumystar jalǵasyp jatyr.

Aıta ketelik Abaı oblysynda 64,2 myń gektar paıdalanylmaǵan jer memleket menshigine qaıtaryldy.