Aqmola oblysynda úlgili júrgizýshiler marapattaldy

Astana – Petropavl respýblıkalyq tasjolynda polıtsııa qyzmetkerleri «Úlgili júrgizýshi» profılaktıkalyq aktsııasyn ótkizdi, - dep jazdy Polisia.kz.

Bul formattaǵy is-shara alǵash ótkenine qaramastan, jol qozǵalysy qaýipsizdigin qamtamasyz etý, sondaı-aq júrgizýshiler arasynda zańǵa baǵynatyn jáne jaýapty minez-qulyq mádenıetin qalyptastyrý boıynsha júıeli jumystyń mańyzdy kezeńine aınaldy.

Atalǵan bastama tártipti júrgizýshilerdi qoldaý men yntalandyrý arqyly joldaǵy qaýipsizdikti arttyrýǵa baǵyttalǵan. Aktsııa aıasynda polıtsııa qyzmetkerleri jol qozǵalysy erejelerin qatań saqtaıtyn avtokólik júrgizýshilerin toqtatyp, alǵys hattarmen marapattady.

Máselen, óńir turǵyny Grıgorıı Ponomarev — kópjyldyq tájirıbesi bar júrgizýshi. Ol 1975 jyly alǵash ret rólge otyrǵan. Sodan beri birde bir ret jol erejesin buzǵan emes. Úlgili júrgizýshi basqa azamattardy da jol erejesin qatań saqtaýǵa shaqyrady.

Aıta keteıik, mundaı is-sharalar jol-kólik oqıǵalarynyń aldyn alýǵa jáne júrgizýshilerdiń jaýapkershiligin arttyrýǵa oń áser etedi.

ShQO-da polıtseıler jolda densaýlyǵy nasharlap, ınsýlt alǵan azamatty qutqarǵanyn jazǵan bolatynbyz.