Aqmola oblysynda transformatorlyq podstantsııanyń burynǵy ıesine qatysty tergeý bastaldy
ASTANA. KAZINFORM – Tselınograd aýdany prokýratýrasy kómegimen áleýmettik shıelenis oshaǵy joıyldy.
Prokýratýra azamattardy «Estýshi memleket» kontseptsııasy aıasynda qabyldaý nátıjesinde Koıandy aýyly turǵyndarynyń 92-nómirli tolyq transformatorlyq podstantsııanyń (TTP) burynǵy ıesiniń áreketteri jóninde shaǵymy boıynsha keshendi sharalar qabyldady.
Anyqtalǵandaı, TTP-nyń burynǵy ıesi 2020 jyldan 2023 jylǵa deıin «Aqmola taratý elektr jeli kompanııasy» AQ-na 6 353 000 teńge kóleminde qaryz jasaǵan.
Atalǵan fakti boıynsha urlyq jasaý nıetinsiz múliktik zııan keltirgeni ýshin aldyn ala tergeý bastaldy.
Aqmola oblysynyń prokýratýrasy málimetinshe, qazirgi ýaqytta TTP-nyń burynǵy ıesine qatysty qylmystyq is qaralý úshin sotqa jiberildi.
Aıta keteıik, ShQO ákiminiń birinshi orynbasary Jaqsylyq Omarǵa qatysty tergeý júrgizilip jatyr.