Aqmola oblysynda polıtsııa bólimi bastyǵynyń orynbasary alaıaqtyq jasaǵan

KÓKShETAÝ. KAZINFORM - Aqmola oblysynda alaıaqtyq jasaǵan Bulandy aýdandyq polıtsııa bólimi bastyǵynyń burynǵy orynbasary eki aıǵa qamaýǵa alyndy.

Aqmola oblystyq soty baspasóz qyzmetiniń málimetinshe, Kókshetaý qalasynyń mamandandyrylǵan tergeý soty Bulandy aýdandyq polıtsııa bólimi bastyǵynyń burynǵy orynbasaryna qatysty eki aı merzimge «qamaýda ustaý» túrindegi bultartpaý sharasy túrinde sanktsııa berdi.

«Bulandy aýdandyq polıtsııa bólimi bastyǵynyń burynǵy orynbasary «D.» múlikke qarsy aýyr qylmys - alaıaqtyq jasady degen kúdikke ilindi (Qylmystyq kodeksiniń 190-baby 3-bóliginiń 2-bólimshesi)», - dedi vedomstvodan

Sot qaýlysy zańdy kúshine engen joq.

Aqmola oblysy PD baspasóz qyzmetinen túsindirgendeı, sottalýshy 2024 jyldyń 26 qańtarynda óz erkimen jumystan ketken.