Aqmola oblysynda polıtsııa 600-den astam kólikke jol bastap júrdi

KÓKShETAÝ. KAZINFORM – Aqmola oblysynda qolaısyz aýa raıyna baılanysty polıtsııa qyzmetkerleri 620 kólikten quralǵan kolonnany qaýipsiz alyp ótti.

16 aqpanda óńirde jańbyr men kóktaıǵaq saldarynan respýblıkalyq mańyzy bar avtojoldyń birinde qozǵalysqa shekteý engizildi. Aýa raıynyń kúrt ózgerýi jol qozǵalysyn qıyndatqan.

Búgin patrýldik polıtsııa rotasynyń qyzmetkerleri Astana – Pavlodar baǵytyndaǵy tasjolda 620 kólikten quralǵan kolonnany uıymdastyryp, qaýipsiz ótkizdi. Onyń 220-sy júk kóligi, 400-i jeńil avtokólik.

Kolonna qozǵalysy bastalar aldynda júrgizýshilerge jolda júrý tártibi túsindirildi.

16-17 aqpanda oblys joldarynda 200-ge jýyq arnaıy tehnıka jumyldyrylyp, joldar tazartylyp, kóktaıǵaqqa qarsy materıaldar sebildi.

Polıtseıler júrgizýshilerdi saq bolýǵa shaqyrady. Temperatýra aýytqyǵanda jol beti tez muzǵa aınalýy múmkin. Osyǵan baılanysty jyldamdyq rejımin saqtap, qaýipsiz araqashyqtyqty ustaný qajet.

Aıta keteıik,Aqtóbe oblysynda aýa raıyna baılanysty jol jabyldy.