Aqmola oblysynda muǵalimderdiń jalaqysy sebepsiz keshiktirilgen

ASTANA. KAZINFORM - Aqmola oblysy prokýratýrasynyń iske aralasýynan soń Ereımentaý aýdanynda muǵalimderdiń jalaqy boıynsha bereshegi óteldi. 

Ereımentaý aýdanynyń prokýrory Úlenti aýyldyq okrýgine baryp, jeke qabyldaýda mektep dırektorynyń orynbasary muǵalimderge jalaqy tóleýdi keshiktirý máselesi boıynsha shaǵym aıtty.

Aýdan prokýrory jedel sharalar qabyldap, kelesi kúni jalpy somasy 8 mln teńgegeden astam jalaqy boıynsha bereshek óteldi.

Aıta keteıik, buǵan deıin bes jyl ishinde muǵalimderdiń aılyǵy eki esege kóterilgeni týraly jazǵan edik.