Aqmola oblysynda mas kúıinde rýlge otyrǵan taǵy bir ákim ustaldy

KÓKShETAÝ. KAZINFORM - Aqmola oblysynda mas kúıinde rýlge otyrǵan taǵy bir ákim sot úkimimen 15 táýlikke qamaldy.

Oblystyq sottyń baspasóz qyzmetiniń málimetinshe, Zerendi aýdandyq sotynda Vıktorovka aýyldyq okrýgi ákimine qatysty ákimshilik quqyq buzýshylyq týraly is qaraldy (ákimshilik quqyq buzýshylyq týraly kodekstiń 608-baby 1-bóligi). Er adamǵa alkogoldik ishimdik iship rýlge otyrǵany úshin aıyp taǵyldy.

«Sotta er adam kinásin moıyndady. Sonymen qatar, onyń kinási ákimshilik quqyq buzýshylyq týraly hattamamen, jeńil dárejeli alkogoldik mas bolýdy anyqtaǵan medıtsınalyq kýálandyrý qorytyndysymen, ózin túsindirýi jáne moıyndaýymen rastaldy. Sot qaýlysymen oǵan 7 jylǵa kólik basqarý quqyǵynan aıyrý jáne 15 táýlikke qamaýǵa alý túrinde ákimshilik jaza qoldanyldy», - dedi vedomstvodan.

Aıta ketsek, budan buryn Zerendi aýdany ákiminiń orynbasary 15 táýlikke qamalǵanyn jazǵan edik.