Aqmola oblysynda kómir máselesi qalaı sheshilip jatyr

KÓKShETAÝ.  KAZINFORM - Aqmola oblysynda aldaǵy jylytý maýsymyna jalpy 1 mln 378 myń tonna kómir qajet. Onyń 465 myń tonnasy kommýnaldyq-turmystyq qajettilikterge, 913,5 myń tonnasy turǵyndar úshin.

Aqmola oblysy ákimdiginiń málimetinshe, qazirgi kezde óńirde jylytý maýsymy aldynda kómir jetkizý jumystary qyzý qolǵa alynǵan.

«Aldaǵy jylytý maýsymyna oblys boıynsha jalpy 1 mln 378 myń tonna kómir qajet. Onyń 465 myń tonnasy kommýnaldyq-turmystyq qajettilikterge, 913,5 myń tonnasy turǵyndar úshin. Búgingi tańda jalpy 405 myńnan astam tonna kómir jetkizildi», - dep túsindirdi ákimdikten.

Kókshetaý qalasy ákimdiginen atap ótkendeı, oblys ortalyǵyna qyrkúıek aıynda «Ekibastuz» kómiriniń 40,9 myń tonnasy, ıaǵnı bir aılyq qory jetkizilmekshi. Qajettilik josparyna sáıkes kómir razrezderin ótinimdermen qamtamasyz etý boıynsha jumystar júrgizilip jatyr.

Sonymen birge, oblys ortalyǵynyń tuıyqtarynda 11 830 tonna kómir bar bolsa, onyń 4 950 tonnasy «Shubarkól» kómiri. Bul kómirdiń baǵasy - 18 100 - 18 200 teńge shamasynda. Buǵan qosa, 6 200 tonna «Qarajyra» jáne 680 tonna «Maıkóbe» kómiri bar. «Qarajyra» kómiriniń tonnasy 18 500-18 700, «Maıkóbe» kómiri 14 000-18 500 teńgeden satylyp jatyr.

Aıta ketsek, budan buryn óńirlerdegi kómirdiń tonnasy qansha teńge turatynyn jazǵan edik.