Aqmola oblysynda kólik qozǵalysyna shekteý engizildi

ASTANA. KAZINFORM – Aqmola oblysynda kúnniń buzylýyna baılanysty jolda kólik qozǵalysyna shekteý engizildi, dep habarlaıdy «QazAvtoJol» UK» AQ-nyń baspasóz qyzmeti.

-Aqmola oblysynda kúnniń buzylýyna baılanysty 2 qarasha saǵat 19:00-den bastap respýblıkalyq mańyzy bar «KAZ02 Astana – Kókshetaý (aınalma jol) – Petropavl – RF shekarasy (Jańa Jol ótkizý pýnkti)» avtojolynyń 180–243 shaqyrym aralyǵynda kóliktiń barlyq túrleri úshin jyldamdyq shekteýi 140 km/saǵ-tan 110 km/saǵ-qa deıin tómendetiledi,-delingen habarlamada.

Jyldamdyq rejımin 2025 jylǵy 3 qarasha kúni saǵat 09:00-de qaıta qalpyna keltirý josparlanyp otyr. Bul aýa raıynyń turaqtanýyna jáne qozǵalys qaýipsizdiginiń qamtamasyz etilýine baılanysty júzege asyrylady.

Osyǵan deıin «QazAvtoJol» júrgizýshilerge aýa raıyna baılanysty eskertý jasaǵan bolatyn.