Aqmola oblysynda gaz ballony jarylyp, úsh adam mert boldy
ASTANA. KAZINFORM – Aqmola oblysy Qorǵaljyn aýdany Sabyndy aýylynda gaz ballony jarylyp saldarynan úsh adam qaıtys boldy jáne 16 adam túrli deńgeıde zardap shekti. Bul týraly oblystyq Tótenshe jaǵdaılar departamenti habarlaıdy.
Tótenshe jaǵdaı aýyldaǵy burynǵy meshitte as berý kezinde bolǵan.
«Oqıǵa ornyna jedel jetken qutqarýshylar alty gaz ballonyn alyp shyqty, barlyǵy jeti gaz ballony bolǵan. Jarylystan 1978 jyly týǵan er adam qaıtys boldy. Sonymen qosa qutqarýshylar úıindilerdiń astynan 1983 jyly týǵan áıel men 2012 jyly týǵan jetkinshektiń denesin tapty. Jedel medıtsınalyq járdem brıgadasy zardap shekken 16 adamdy Astana qalasynyń qalalyq aýrýhanasyna jetkizdi», - delingen habarlamada.
Qazir gaz jarylysy bolǵan jerde jeke quramnyń 30-ǵa jýyq mamany jáne 5 TJD tehnıkasy, sondaı-aq jedel qutqarý jasaǵy, apattar medıtsınasy ortalyǵy, psıhologtar men Astana qalasynyń kınologııalyq qyzmeti jumys istep jatyr.
«Tótenshe jaǵdaıdyń sebebin anyqtaý úshin Aqmola oblysy jáne Astana qalasy TJD zertteý synaq órt zerthanasy taǵaıyndaldy. Aqmola oblysy TJD bazasynda jedel shtab ashyldy, 87162520950 jedel jelisiniń telefony jumys isteıdi», - dep eskertedi óńirlik TJD.
Eske salsaq, buǵan deıin Tótenshe jaǵdaılar mınıstrligi halyq gaz quıyp júrgen ballondardyń kóbi jaramsyz ekenin eskertken edi.
