Aqmola oblysynda etnomádenı birlestik ókilderi marapattaldy
KÓKShETAÝ. KAZINFORM – Aqmola oblysynda Respýblıka kúnine oraı etnomádenı birlestikter men Qazaqstan halqy Assambleıasynyń qoǵamdyq qurylymdary ókilderiniń kezdesýi ótti.
Jıynda sóz sóılegen oblystyq ishki saıasat basqarmasynyń basshysy Almas Alın sharaǵa qatysýshylardy Aqmola oblysy ákimi atynan quttyqtaı kele, Respýblıka kúni Qazaqstan úshin tarıhı kezeń ǵana emes, sonymen qatar elimizdiń kópultty halqynyń birliginiń sımvoly ekenin atap ótti.
«Bul kún ulttyq biregeılikti nyǵaıtýdyń, Qazaqstan aýmaǵynda turatyn túrli etnostardyń mádenıeti men dástúrlerin damytýdyń bastapqy núktesi boldy. Memleket basshysy Qasym-Jomart Toqaevtyń reformalary halyqaralyq baılanystardy údemeli keńeıtýge, saıası júıeni demokratııalandyrýǵa, halyqtyń ómir súrý deńgeıin jaqsartýǵa baǵyttalǵan. Búginde Qazaqstan Respýblıkasy naryqtyq ekonomıkasy damyp kele jatqan jáne basqarýdyń demokratııalyq qaǵıdattary bar qazirgi zamanǵy memleket. Biz kúrdeli joldan óttik, halyqaralyq arenada aıtarlyqtaı jetistikterge jettik jáne bul árbir qazaqstandyqtyń eńbeginiń arqasynda múmkin boldy», - dedi Almas Alın.
2022 jyldan bastap Qazaqstan Respýblıkasy kúni táýelsizdikti, birlik pen dostyqty beıneleıtin merekeniń jańa dástúrlerine ıe boldy. Kezdesýge qatysýshylar 1990 jyly osy kúni qabyldanǵan memlekettik egemendik týraly Deklaratsııa eldiń odan ári damýyna baǵyt bergenin atap ótti.
Osy rette, etnomádenı birlestikterdiń jumysyna erekshe kóńil bólindi. Respýblıka kúnine arnalǵan «Qaıyrymdylyq kerýeni» respýblıkalyq forýmy aıasynda Qazaqstan halqy Assambleıasy tóraǵasynyń orynbasary Marat Ázilhanov QHA ókilderiniń eldegi beıbitshilik pen kelisimdi nyǵaıtýǵa qosqan úlesin atap ótti. Bul is-sharaǵa Aqmola assambleıasy tóraǵasynyń orynbasary, ózbek etnomádenı birlestiginiń tóraǵasy Tojıbývı Medetova qatysty. Ol óz sózinde Qazaqstannyń mádenı alýantúrliliginiń jáne ártúrli etnıkalyq toptardyń ózara is-qımylynyń mańyzdylyǵyn atap ótti.
Sondaı-aq, basqarma basshysy Almas Alın el aldynda ádil qoǵam men gúldengen jańa Qazaqstandy qurý boıynsha jańa órshil mindetter turǵanyn atap ótti.
«Bizdiń patrıotızmimiz, birligimiz ben tózimdiligimiz osy baǵytta aıtarlyqtaı jetistikterge jetýge kómektesedi», - dep qosty basqarma basshysy.
Іs-shara etnomádenı dıalogty damytýǵa jáne azamattyq biregeılikti nyǵaıtýǵa qosqan úlesi úshin marapattaý rásimimen aıaqtaldy.
