Aqmola oblysynda dızelmen júretin kólikterdiń qozǵalysy shekteldi

ASTANA. KAZINFORM - Aýa temperatýrasynyń -38 gradýsqa deıin tómendeýine baılanysty Aqmola oblysynda respýblıkalyq mańyzy bar avtojoldardyń barlyq baǵyttarynda dızel otynymen júretin kólik quraldarynyń qozǵalysyna shekteý engizildi.

Polıtsııa qyzmeti kúsheıtilgen rejımge aýystyrylyp, ınspektorlarǵa avtokólik júrgizýshilerine kómek kórsetý, adam tasymaldaýmen aınalysatyn kompanııalarǵa mundaı aýa raıynda jolda júrý qaýipti ekenin eskertý tapsyryldy.

«Qysta qala mańyndaǵy avtomobıl jolyna shyqpas buryn marshrýtty aldyn ala josparlaý qajet. Sondaı-aq, júrgizýshilerden aýa raıy qolaıly bolǵanǵa deıin alys jolǵa shyqpaýdy suraımyz", - dep atap ótti oblystyq PD JPQB bastyǵy, polıtsııa polkovnıgi Aslan Qyzbıkenov