Aqmola oblysynda bir úı eki ret órtendi
Shortandy aýdanynyń Bozaıǵyr aýylynda bir úı eki ret órtendi, dep habarlaıdy Kazinform.
Aqmola oblystyq TJD baspasóz qyzmetiniń málimetinshe, órt 11 jeltoqsanda saǵat 23:51 shamasynda segiz páterli turǵyn úıdiń №6 páterinde bolǵan.
«Órt saǵat 00:30-da oqshaýlanyp, saǵat 01:30-da sóndirildi. Jaraqat alǵandar men zardap shekkender joq. Búgin tańerteń saǵat 08:35-te sol úıdiń №7 páterinde órt shyqty. Qazirgi ýaqytta órt sóndirildi. Órtti sóndirýge Aqmola oblysy TJD jeke quramnan 11 adam jáne 2 tehnıka, Astana qalasy TJD 8 adam jáne 3 birlik tehnıka tartyldy. Jaraqat alǵandar men zardap shekkender joq. Órttiń sebebi anyqtalyp jatyr», - dedi vedomstvodan.
Aıta ketsek, Qyzylordada kópqabatty turǵyn úıden órt shyǵyp, eki adamdy kúıik shalǵan bolatyn.
