Aqmola oblysynda ata-anasy qan quıýǵa qarsy bolǵan sábı qaıtys boldy

Aqmola oblysynda ata-anasy dinı nanym boıynsha qan quıýǵa qarsy bolǵan 1 jas 8 aılyq ul bala aýrýhanada qaıtys boldy, dep habarlaıdy QazAqparat tilshisi.

Aqmola kópsalaly oblystyq balalar aýrýhanasynyń dárigerleri jarııalaǵan málimetke sáıkes, 1 jas 8 aılyq sábı qyrkúıektiń 24-de sanavıatsııanyń kómegimen «Avıtsenna-Býrabaı» JShS-niń anestezıologııa jáne reanımatsııa bólimshesine túsken.

Balaǵa birden «ekijaqty pnevmonııa, aýyr dárejedegi asqynýy (sepsıs, SPON, Koma 2. Bastyń isinýi múmkin. Ou DZN isinýi)» dıagnozy qoıyldy.

Dárigerlerdiń aıtýynsha, balanyń ata-anasy medıtsınalyq kómekke óte kesh júgingen. Bala túsken kúni UMC «Ana men bala ulttyq ǵylymı ortalyǵy» bas shtattan tys balalar reanımatologymen konsýltatsııa ótkizildi, onda balaǵa ómirlik kórsetkishteri boıynsha qan men onyń komponentterin quıý usynyldy.

- Ol úshin qoldanystaǵy normatıv boıynsha kámeletke tolmaǵandardyń zańdy ókilderiniń kelisimi talap etiledi (Halyq densaýlyǵy jáne densaýlyq saqtaý júıesi týraly kodekstiń 137-babynyń 2-bóligi, osy Kodekstiń 78-babynyń 2-bóligi kózdelgen jaǵdaılardy qospaǵanda, kámeletke tolmaǵandarǵa qatysty medıtsınalyq kómek kórsetýge kelisimdi jáne sot áreketke qabiletsiz dep tanyǵan adamdar úshin kelisimdi olardyń zańdy ókilderi beredi.). Bul rette, medıtsına qyzmetkerleriniń senimderine qaramastan, ata-anasy dinı nanymdar boıynsha qan quıýǵa kelisim bermedi. Ata-anasynyń qan quıýdan úzildi-kesildi bas tartýyn eskere otyryp, aýrýhana dırektorynyń medıtsınalyq bólim jónindegi orynbasary, Aqmola oblysy boıynsha kámeletke tolmaǵandardyń quqyqtaryn qorǵaý jónindegi ýákildiń Densaýlyq saqtaý basqarmasynyń Ana men bala densaýlyǵyn qorǵaý bóliminiń basshysy jáne aýrýhana zańgeri birlesip konsılıým ótkizdi.

«Halyq densaýlyǵy jáne densaýlyq saqtaý júıesi týraly» Qazaqstan Respýblıkasynyń 2020 jylǵy 7 shildedegi № 360-VI kodeksiniń 136-babynyń 4-tarmaǵyna sáıkes kámeletke tolmaǵan ne áreketke qabiletsiz adamnyń zańdy ókilderi atalǵan adamdardyń ómirin saqtap qalý úshin qajetti medıtsınalyq kómekten bas tartqan kezde medıtsınalyq uıym qorǵanshylyq jáne qamqorshylyq organyna jáne (nemese) sotqa júginýge quqyly.

Osyǵan baılanysty, aýrýhana zań talaptaryna sáıkes oblystyń jáne Býrabaı aýdanynyń qorǵanshylyq jáne qamqorshylyq organdaryna jedel tártippen qan quıý týraly máseleni sheshý úshin júgindi, - dep túsindirdi vedomstvoda, - dedi aýrýhana dárigerleri.

Qamqorshylyq organdary jas balanyń ata-anasymen qaıt áńgimeleskenine qaramastan, olar qajetti protsedýralardy júrgizýge sendire almady. Ata-anasy balanyń ómiri úshin jaýapkershilik týraly jazbasha qolhat berdi.

- Aıta ketý kerek, bala aýrýhanaǵa túsken kezde balanyń jaǵdaıy óte aýyr boldy, óıtkeni asqynýlardyń biri kóptegen organdardyń jetkiliksizdigi boldy, bul ómirlik mańyzdy organdardyń jumysynyń toqtatýyna ákeldi. 28-qyrkúıekte naýqas balanyń jaǵdaıy nasharlap, jansaqtaý bólimshesinde qaıtys boldy. Onyń ómirin saqtap qalý úshin barlyq medıtsınalyq kómek ýaqtyly kórsetildi, - dep qosty dárigerler.

Densaýlyq saqtaý basqarmasynan atap ótkendeı, kámeletke tolmaǵan naýqastarǵa medıtsınalyq kómek kórsetý máselesi ózekti bolyp tabylady. Óıtkeni, QR zańnamasy emdeýge jáne jedel aralasýǵa mindetti kelisimdi kózdeıdi. Dinı nanym boıynsha medıtsınalyq kómek kórsetýden bas tartylǵan jaǵdaıda medıtsına qyzmetkerleriniń jumysyna kedergiler jasalady.

- Osy másele boıynsha ortalyq memlekettik organdarǵa tıisti hattar daıyndalýda, - dep tolyqtyrdy vedomstvodan.

Aqmola oblysy PD málimetinshe, osy derek boıynsha sotqa deıingi tergeý sharalary bastaldy. Tergeý múddesi úshin ózge de aqparat jarııalaýǵa jatpaıdy.

Aıta keteıik, budan buryn dinı materıaldar taratqan kókshetaýlyq áıel ákimshilik jazaǵa tartylǵanyn jazǵan edik.