Aqmola oblysynda 82 jastaǵy ájeıdi kólik qaǵyp mert qyldy

KÓKShETAÝ. KAZINFORM - Aqmola oblysynyń Arshaly aýdanynda kósheniń ruqsat etilmegen tusynan ótpek bolǵan 82 jastaǵy qarııa kóliktiń astyna túsip mert boldy.

Aqmola oblysy PD baspasóz qyzmetiniń málimetinshe, qaıǵyly jaǵdaı Arshaly kentinde bolǵan. 
Anyqtalǵandaı, «Volkswagen Passat» kóligiń 20 jasar júrgizýshisi abaısyzda kósheniń ruqsat etilmegen tusynan ótip bara jatqan 82 jastaǵy qarııany qaǵyp ketti. Áıel adam jedel aýrýhanaǵa jetkizilgenimen, alǵan dene jaraqatynan kóz jumdy.

«Qazirgi kezde osyǵan baılanysty Qylmystyq kodekstiń 345-babynyń 3-bóligi boıynsha («kólik quraldaryn basqaratyn adamdardyń jol qozǵalysy nemese kólik quraldaryn paıdalaný erejelerin buzýy») is qozǵaldy.

Aıta ketsek, budan buryn Aqmola oblysynda jol apatynan eki adam kóz jumǵanyn jazǵan edik.