Aqmola ekonomıkasyna 210 mıllıard teńge jeke ınvestıtsııa tartyldy

KÓKShETAÝ. QazAqparat - Aqmola oblysynyń ákimi Málik Myrzalınniń tóraǵalyǵymen Aqkól aýdanynda ótken kóshpeli ákimdik májilisinde óńirdiń 2018 jylǵy áleýmettik-ekonomıkalyq damýynyń qorytyndylary jáne 2019 jylǵa arnalǵan mindetteri talqylandy, dep habarlaıdy QazAqparat tilshisi əkimdiktiń baspasóz qyzmetine silteme.

Májilis bastalmas buryn sharaǵa qatysýshylar, oblys ákiminiń orynbasarlary, aýdandar jəne qalalardyń ákimderi men orynbasarlary, departamentter men basqarmalardyń jəne vedomstvolardyń basshylaryna Aqkól qalasyna ekskýrsııa uıymdastyrylyp, elimizdegi tuńǵysh «Aqyldy qala» - «Smart Aqkol» jobasy sheńberinde júzege asyrylǵan ıgi jańalyqtar tanystyryldy.

Aıta keteıik, aǵymdaǵy jylǵy qańtardyń 22-de Elbasy Nursultan Nazarbaev Aqkól qalasynda bolyp, elimizdegi tuńǵysh jasalǵan sheńberinde júzege asyrylǵan jobamen tanysyp, «Smart city - aqyldy qala» zamanaýı tehnologııalaryn engizý pılottyq jobasyna oń baǵa bergen edi.

Endi mine, Qazaqstan boıynsha tuńǵysh bolyp otyrǵan osy «Aqyldy qala» - «Smart Aqkol» jobasymen oblys aktıvin keńinen tanystyrýdyń múmkindigi jasalyp otyr.

«Bıznes-protsesster oblystyq qurylymdarǵa ǵana emes, respýblıkalyqtarǵa da qatysty. Ər vedomstvonyń bolyp jatqan oqıǵaǵa jedel áreket etýde óz hattamasy men mehanızimi bar. Ahýaldyq ortalyqta turǵyndardyń saýalyna jedel áreket etetin bilikti jəne daıarlyqtan ótken mamandar bolýy tıis. Óz kezeginde adamdardyń atalmysh ortalyqtyń qyzmetin sapaly qoldanýlary úshin halyqqa túsindirý jumystaryn júrgizý qajet", dedi Məlik Myrzalın.

Aqmola oblysy əkiminiń baspasóz qyzmetiniń málimeti boıynsha, kóshpeli májilis otyrysynda aldymen óńirdiń 2018 jylǵy áleýmettik-ekonomıkalyq damýynyń qorytyndylaryna nazar aýdaryldy. Bul týraly oblystyq ekonomıka jáne bıýdjettik josparlaý basqarmasynyń basshysy Qanat Dúzelbaev jan-jaqty túsindirip aıtyp berdi.

«Ótken jylǵy ekonomıkanyń árqıly salasyndaǵy tabystar týraly aıtatyn bolsaq, oblys ekonomıkasynyń barlyq salasynda oń kórsetkishterge qol jetkizildi. Taý-ken óndirisi, óńdeýshi ónerkəsip jəne azyq-túlik ónimderin óndirýde naqty kólem ındeksiniń artqany baıqaldy. Aýyl sharýashylyǵy ónimderin óndirý kólemi 397 mıllıard teńgeni qurady. Oblys ekonomıkasyna 210 mıllıard teńge jeke ınvestıtsııa tartyldy.

Jańa óndeýshi kásiporyndardyń ashylýy maı óndirisin 1,8 esege, ósimdik maıyn - 19 paıyzǵa, et - 12 paıyzǵa, óńdelgen sút - 10 paıyzǵa attyraýǵa múmkindik berdi.

Sonymen qatar, turǵyn úı qurylysy artyp, 478 myń sharshy metr baspana paıdalanýǵa berildi. Bul ıaǵnı,4707 pəter. Oblysta úsh aýysymdyq məselesin sheshý maqsatynda 4 jańa mektep paıdalanýǵa berildi. Onyń biri, Kókshetaý qalasyndaǵy ІT mektep-lıtseıi. Qazirgi kezde, 5 mekteptiń qurylysy júrgizilip jatyr.

Al, bıýdjettiń oryndalýy týraly Aqmola oblysynyń qarjy basqarmasy basshysynyń mindetin atqarýshy Tatıana Belaıa aıtyp berdi. Onyń aıtýynsha, bıýdjet kólemi 225,8 mıllıard teńgeni qurady. Bıýdjettiń shyǵys bóligi 99,9 paıyzǵa oryndaldy. Bul respýblıka boıynsha ortasha kórsetkishten joǵary.

Sonymen qatar, májiliste Aqmola oblysynyń Polıtsııa departamentiniń bastyǵy Erjan Sədenov vedomstvonyń 2018 jylǵy atqarylǵan jumystarynyń qorytyndysy týraly aıtyp berdi.