Aqmola dıqandary aqbókenniń kóptigine baılanysty dabyl qaǵady
Jarqaıyń aýdanyndaǵy eń iri sharýa qojalyǵynyń ıesi Temirhan Jangeldınniń aıtýynsha, bıyl aqbóken byltyrǵydan da kóp.
«Olardyń taralý aımaǵy artty, aqbókender bizdiń aýdannyń aýmaǵyna etene endi. Vagondardy qorshaý alańdaryna qoıamyz, kvadrotsıkldar satyp aldyq, janýarlardy aıdaý úshin adamdardy jaldaımyz, biraq nátıje joq. Bul jaǵdaıdy qurǵaqshylyq ta nasharlatyp otyr. Ol daqyldarǵa áser etedi, al aqbókender onsyz da álsiz daqyldy taptap jatyr», - deıdi fermer.
Ótken jyly oblystyń aýyl sharýashylyǵy taýaryn óndirýshileri jalpy alymda da, materıaldyq turǵyda da zor shyǵynǵa ushyraǵan. Aqbókenderdiń aýyl sharýashylyǵy daqyldaryn búldirýinen keltirilgen zalal 8 mlrd teńgeden asty (1 ga úshin 55 myń teńge esebinen). Mysaly, Egindikól aýdanynda 45 myń gektardan astam, Astrahan aýdanynda – 22 myń, Jaqsy aýdanynda – 19 myń, Jarqaıyń aýdanynda – 10 myń gektarǵa jýyq egis alqaby búlingen.
Dıqandar egistikterin Qyzyl kitapqa engen janýardyń shabýylynan saqtandyra da almaıdy, óıtkeni saqtandyrýdyń ondaı túri joq. Osy oraıda, Aqmola oblysy kásipkerler palatasynyń sarapshylary birqatar usynys jasady. Atap aıtqanda, ýákiletti organdar, «Ohotzooprom» ÓB» RMQK mamandandyrylǵan uıymynyń kúshimen aqbókenderdiń sanyn retteý qajettigin alǵa tartty.
«Aqbókenderdiń kóshi-qony jolynda mamandandyrylǵan jem-shóp alańdaryn anyqtaý boıynsha jumysty jolǵa qoıý, qorshaýdy daıyndaý jáne ornatý úshin respýblıkalyq bıýdjetten qarajat kózdeý qajet. Sondaı-aq, ortalyq deńgeıde aqbókenderdiń keltirgen zalalyn baǵalaý úshin quzyretti memlekettik organdardyń ókilderi men táýelsiz sarapshylar qatarynan komıssııa qurý, zalaldy óteý úshin memlekettik qazynadan qarajat bólý múmkindigin qarastyrý qajet», - dep sanaıdy Óńirlik kásipkerler palatasynyń AÓK bóliminiń bastyǵy Jaısan Bekqojın.
Aıtke ketsek, aqbókenderdi aýlaýǵa tyıym salynǵany belgili, kıeli janýar ıÝNESKO-nyń qorǵaýynda.
