Aqmola ákimi tikeleı efırde turǵyndardyń saýalyna jaýap berdi
Aımaq basshysy osymen ekinshi ret tikeleı efır arqyly óńirdiń áleýmettik-ekonomıkalyq damýynyń qorytyndysyn shyǵaryp, telekórermenderdiń saýalyna jaýap berdi.
Baǵdarlama áleýmettik jeli jáne telearnanyń saıty arqyly kópshilikke kórsetildi. Turǵyndardyń suraqtaryn qabyldaý úshin arnaıy sall-ortalyq jumys istedi.
Málik Myrzalın Elbasynyń Joldaýynda aıtylǵan mindetterdiń oblysta júzege asyrylýy jáne óńirdiń odan ári damý perspektıvalary týraly aıtyp berdi. Aımaq basshysy aqmolalyqtardyń turǵyn úı, jol, sýmen jabdyqtaý, úsh aýysymdy mektep máseleleri jónindegi suraqtaryna bir saǵattan astam ýaqyt boıy jaýap berýge tyrysty. Efır ýaqytynda qamtylmaı qalǵan suraqtar men jaýaptar keıin jergilikti BAQ jarııalanady.
Oblys dıqandary 4,3 mıllıon gektar egistik alqaptan 5,5 mıllıon tonnadan astam astyq jınady. Gektar berekesi 13 tsentnerden aınaldy. Ónerkásip salasynda quny 74 mıllıard teńge bolatyn 30 joba júzege asyrylyp jatyr. Jalpy, 1820 jańa jumys orny ashyldy. Óńir ekonomıkasyna tartylǵan ınvestıtsııa kólemi 44 paıyzǵa ósti.
«Aqmolalyqtar Bulandy aýdanynda qus fabrıkasynyń ashylýymen maqtana alady. Bul - elimiz úshin mańyzdy joba, tolyq qýatyna shyqqan kezde et ımportynyń 30 paıyzyn qamtıdy», - dedi ákim.
Birinshi kezeńde kásiporynnyń qýaty jylyna 25 myń tonna qus etin qurasa, aldaǵy ýaqytta eki esege ulǵaıady. Al, jobanyń úshin kezeńinde kásiporyn qýatyn 100 myń tonnaǵa jetkizý josparda bar.
Turǵyndardy tolǵandyrǵan taǵy bir mańyzdy másele - jol sapasy. Oblys ákimi atap ótkendeı, bıyl jergilikti maqsattaǵy joldardyń 426 shaqyrymyna jóndeý jumystary júrgizildi. Bul - ótken jylmen salystyrǵanda eki ese artyq kórsetkish. Tselınograd aýdanynda joldardy damytýǵa bólingen qarjy 4 esege ulǵaıdy. Bul baǵyttaǵy jumystar odan ári shıraı túsedi. Oǵan qosa, turǵyn úı qurylysy da 8 paıyzǵa ulǵaıyp, jyl saıyn tapsyrylatyn páter sany 380-400-ge artady. ıAǵnı, 2030 jyly adam basyna 30 sharshy metr baspanadan keledi. Al, jeke úılerdi salý úshin aldaǵy 5 jylda 5800 jer telimi ınjenerlik ınfraqurylymmen qamtamasyz etiledi.
Oblysta úsh aýysymda oqytatyn 11 mektep bar. Bul máseleni sheshý úshin 3 mektep pen oqý-tárbıe kesheniniń qurylysy júrgizilip jatyr. 2 mektep boıynsha jobalyq-smetalyq qujattar ázirlendi. Al, 5 mekteptiń jobalyq-smetalyq qujattary men memlekettik saraptamasy jasalý ústinde. Óńirde 600 oqýshy úshin qosymsha ǵımarat jalǵa alýda tájirıbe bar.
Osy rette, Málik Myrzalın oqý nysany beıimdelgen emes, tıpti bolýyna toqtala kele, ǵımaratty jalǵa alý tájirıbesiniń máseleni túbegeıli sheshýde tımdi emes ekenin aıtty.
«Memleket basshysy qysqa merzim ishinde úsh aýysymda bilim berý máselesin sheshýdi tapsyrdy. Bul maqsatta respýblıkalyq bıýdjetten 50 mıllıard teńge bólindi. Bizdiń oblysta bul máseleni túbegeıli sheshý baǵytyndaǵy jumystardy odan ári jalǵastyra beremiz», - dep atap ótti aımaq basshysy.
Oblysta eldimekenderdi sapaly aýyz sýmen qamtamasyz etý baǵytynda júıeli jumystar júrgizilýde. Bul baǵytta 35 joba júzege asyrylyp jatyr, onyń 10-nyn bıyl aıaqtaý josparda bar.
9 aýdanda uzyndyǵy 220 shaqyrymdyq sý ótkizý jáne 21 shaqyrym káris jelisi salynady. Sondaı-aq, 19 eldimekende jobalyq-smetalyq qujattar ázirlenip jatsa, 43 eldimekende jer asty sýynyń qory zerttelýde.
Sonymen qatar, Málik Myrzalın «Rýhanı jańǵyrý» baǵdarlamasyn júzege asyrý barysy, sportty damytý jáne halyqtyń áleýmettik jaǵynan az qamtylǵan toptaryn qoldaý máselesine toqtaldy.
