Ákim saılaýy: Arys qalasynda 86 jastaǵy qarııa birinshi bolyp daýys berdi

ARYS. QazAqparat - Túrkistan oblysy Arys qalasyna qarasty Montaıtas aýylynyń turǵyny 86 jastaǵy qarııa Úsipbek Saparbekov saılaý ýchaskesine kelip alǵashqy bolyp óz daýysyn berdi.

Bul týraly QazAqparat Túrkistan oblysynyń óńirlik kommýnıkatsııalar qyzmetine silteme jasap habarlaıdy.

Aýyldaǵy B.Ontaev kóshesinde ornalasqan №20 saılaý ýchaskesinde daýys berý tańǵy saǵat 07:00-de bastalyp ketken. Aýyl aqsaqaly el bolashaǵyna beı-jaı qaramaıtyndyǵyn aıtyp, úmitkerlerge sáttilik tilep aq batasyn berdi.

Aıta keteıik, Arys qalasynda jalpy 12 saılaý ýchaskesi jumys istep tur. Jalpy qalaǵa qarasty aýyl okrýgterde 10 440 azamat daýys beredi dep kútilýde.