Aqan Jumaǵulov Nur-Sultan qalasy sotynyń tóraǵasy boldy

NUR-SULTAN. QazAqparat - Búgin Joǵarǵy Sottyń qylmystyq ister jónindegi sot alqasynyń tóraǵasy Ábdirashıt Júkenov sot ujymyna Nur-Sultan qalasy sotynyń jańa tóraǵasy Aqan Jumaǵulovty tanystyrdy, dep habarlaıdy QazAqparat tilshisi.

«Osyǵan deıin Almaty qalalyq sotynyń qylmystyq ister jónindegi sot alqasyn basqarǵan Aqan Jumaǵulov Prezıdenttiń 2022 jylǵy 11 shildedegi Jarlyǵymen elorda sotynyń tóraǵasy qyzmetine taǵaıyndaldy», - delingen qalalyq sot baspasóz qyzmetiniń málimetinde.

Á. Júkenov elordalyq sottyń jańa tóraǵasyn sýdıalar korpýsynda ózin tanytqan joǵary bilikti maman retinde sıpattady.

Joǵarǵy Sot alqasynyń tóraǵasy osy Jarlyqpen taǵaıyndalǵan aýdandyq sottardyń tóraǵalary men elordalyq qalalyq sottyń sýdıalaryn da tanystyrdy.

Atap aıtqanda, Esil aýdandyq sotynyń tóraǵasy bolyp Almas Sálimov, Esil aýdanynyń №2 aýdandyq sotynyń tóraǵasy qyzmetine Dáýrenbek Daýmov taǵaıyndaldy.

Sonymen qatar, Nur-Sultan qalasy sotynyń sýdıasy laýazymyna Aıbek Ámirǵalıev, Gúlnár Dáýleshova, Anar Kárimova taǵaıyndaldy.

Foto: astana.sud.kz