Akademık Saılaý Baızaqov ómirden ozdy
«Qurmetti dostar, búgin meniń súıikti atam ómirden ozdy», - dep jazdy nemeresi Naýryz Baızaqov Facebook paraqshasynda.
Ekonomıka ǵylymynyń doktory, professor, Halyqaralyq aqparat jáne Halyqaralyq menedjment akademııalarynyń akademıgi Saılaý Baızaqov 1937 jyly Qostanaı oblysynyń Jangeldın aýdanynda dúnıege kelgen.
Ol Ekonomıkalyq zertteýler ınstıtýtynyń kompıýterlik baǵdarlamalyq qamtamasyz etý bóliminiń meńgerýshisi, Ekonomıkalyq zertteýler ınstıtýty dırektorynyń orynbasary, Menedjment ǵylymı-zertteý ınstıtýtynyń dırektory, QR Baǵaly qaǵazdar jónindegi ulttyq komıssııasy Joǵarǵy keńesiniń bas sarapshysy, QR Úkimetiniń janyndaǵy Memlekettik qyzmetshilerdiń biliktiligin arttyrý ınstıtýtynyń dırektory, Tacis EDKZ 9602 jobasynyń jergilikti keńesshileriniń jetekshisi, Klımattyń ózgerýin úılestirý ortalyǵynyń makroekonomıkalyq tobynyń jetekshisi, «Ekonomıkalyq zertteýler ınstıtýty» AQ ǵylym jónindegi vıtse-prezıdenti, dırektory, Ekonomıkalyq zertteýler ınstıtýty«AQ ortalyǵynyń ǵylymı jetekshisi – dırektory qyzmetterin atqarǵan. Ǵalymnyń artynda 200-den astam ǵylymı eńbegi qaldy.
