Aq úı Tramptyń beıbitshilik josparyna qatysty Qazaqstan ustanymyn atady
ASTANA.KAZINFORM — AQSh prezıdentiniń ákimshiligi Donald Tramptyń Izraıl men HAMAS arasyndaǵy soǵysty toqtatý týraly bastamasyn qoldaǵan elderdiń aty atalǵan materıal jarııalady. Olardyń qatarynda Qazaqstannyń da bary kórsetilgen, dep habarlaıdy Kazinform agenttigi.
Maqalada QR Prezıdentiniń kómekshisi – Baspasóz hatshysy Rýslan Jeldibaıdyń «Qazaqstan bul bastamany Taıaý Shyǵystaǵy jaǵdaıdy retteý, memleketaralyq senimdi nyǵaıtý, turaqty jáne ádiletti beıbitshilik ornatý jolyndaǵy biregeı múmkindik jáne mańyzdy qadam retinde qarastyrady» degen sózi keltirilgen.
Esterińizge sala keteıik, Rýslan Jeldibaı Qazaqstan AQSh prezıdenti Donald Tramptyń Gaza sektoryndaǵy qaqtyǵysty toqtatý jónindegi jan-jaqty beıbitshilik josparyn quptaıtynyn málimdedi.
Buǵan deıin Aq úı 21 negizgi tarmaqty qamtıtyn jáne Gazanyń kórshilerine qaýip tóndirmeıtin «terror men radıkalızmnen azat aımaq» qurý ıdeıasymen bastalatyn jospar jarııalaǵan bolatyn.