Aq Olımpıada tarıhy: Qazaqstan qansha medal enshiledi
ASTANA.KAZINFORM – XXV qysqy Olımpıada oıyndary búgin Italııanyń Mılan jáne Kortına-d’Ampetstso qalalarynda resmı jalaýyn kóteredi. Qazaqstan táýelsiz el retinde óz tarıhynda toǵyzynshy ret qysqy Olımpıada oıyndaryna qatysqaly otyr. Osy oraıda, Kazinform tilshisi elimizdiń aq Olımpıada tarıhyna kóz júgirtip kórdi.
Qazaqstan táýelsizdigin alǵannan keıin alǵash ret 1994 jylǵy Lıllehammerde (Norvegııa) ótken qysqy Olımpıada oıyndaryna qatysty. Baıraqty básekede Vladımır Smırnov 3 medal enshilep, Qazaqstan quramasy jalpy esepte 12-orynnan kórindi.
Otandasymyz shańǵy jarysynan 50 shaqyrym qashyqtyqty júrip ótip, márege birinshi bolyp keldi. Bul jeńis Qazaqstan aq Olımpıada tarıhyndaǵy alǵashqy, ári osy ýaqytqa deıingi birden-bir Olımpıada altyny.
Dál sol Olımpıadada shańǵyshy taǵy eki kúmis medalǵa ıe boldy: 10 jáne 15 shaqyrym qashyqtyqta kúmis medal jeńip aldy.
1998 jyly Naganoda (Japonııa) ótken qysqy Olımpıada oıyndarynda Qazaqstan quramasy 2 qola medal enshilep, jalpy esepte 21-orynǵa turaqtady.
Aty ańyzǵa aınalǵan shańǵyshy Vladımır Smırnov 15 shaqyrym qashyqtyqta márege úshinshi bolyp jetti.
Al konkımen júgirýshi Lıýdmıla Prokasheva 5000 metr qashyqtyqta el qorjynyn qola medalmen tolyqtyrdy.
Qazaqstan sportshylary úshin 2002 jylǵy Solt-Leık-Sıtı (AQSh) jáne 2006 jylǵy Týrın (Italııa) Olımpıadasy sátsiz bolyp, elge medalsyz oraldy.
Qazaqstan quramasy Vankýver qalasyndaǵy HHI qysqy Olımpıada oıyndaryna qatysý úshin 39 lıtsenzııa jeńip aldy. Qortyndysynda, ulttyq qurama araǵa 12 jyl salyp jeńis tuǵyrynan kórindi.
Bıatlonshy Elena Hrýstaleva 15 shaqyrymdyq jekeleı jarysta bar bolǵany 20,7 sekýnd aıyrmashylyqpen qarsylasyna ese jiberip, márege ekinshi bolyp jetti. Qazaqstan quramasy 1 kúmis medalmen jalpy esepte 25-orynǵa taban tiredi.
Mánerlep syrǵanaýshy Denıs Ten 2014 jyly Sochıde (Reseı) ótken Olımpıadanyń qola júldesine ıe boldy. Qazaqstan quramasy osy nátıjeniń arqasynda jalpy esepte 26-orynnan kórindi.
Qysqa baǵdarlamadan keıin toǵyzynshy orynda turǵan Denıs Ten erkin baǵdarlamada joǵary deńgeıde óner kórsetip, júldegerler qataryna qosyldy.
2018 jyly Phenchhanda (Ońtústik Koreıa) ótken Olımpıada oıyndarynda Qazaqstan quramasy elge ıÝlııa Galyshevanyń jalǵyz qola júldesimen elge oraldy.
Ol jarys jolynda shıraq, batyl ári senimdi mánerimen erekshelendi. Onyń stıli - kórermendi tańǵaldyrý úshin táýekelge barýǵa emes, qımyl-qozǵalystyń tazalyǵy men elementterdiń múltiksiz oryndalýyna negizdelgen.
2022 jylǵy Beıjiń (Qytaı) qysqy olımpıada oıyndarynda qazaqstandyq sportshylar júldesiz qaldy.
Osylaısha, osyǵan deıin ótken 8 qysqy Olımpıada oıyndarynda, Qazaqstan quramasy jalpy 8 medal enshiledi. Onyń ishinde 1 altyn, 3 kúmis jáne 4 qola medal bar.