Airbus Qazaqstan úshin alǵashqy A400M áskerı ushaǵyn daıyndap jatyr

ASTANA. KAZINFORM — Airbus kompanııasy Qazaqstan Qorǵanys mınıstrliginiń tapsyrysy boıynsha alǵashqy A400M áskerı-kólik ushaǵyn jóneltýge daıyndap jatyr. 2021 jyly Qazaqstan eki ushaqqa tapsyrys bergen edi. 

— Qazaqstan Respýblıkasyna arnalǵan birinshi A400M ushaǵy boıaý tsehynan shyqty, — delingen Airbus kompanııasynyń aqparatynda. 

Airbus A400M — aýyr júk tasymaldaıtyn áskerı-kólik ushaǵy. 

Ol áskerı jáne azamattyq gýmanıtarlyq mıssııa aıasynda áýe tasymalyn júzege asyra alady, sondaı-aq tótenshe jaǵdaılarda jedel áreket etýdi uıymdastyrý úshin tıimdi.

Airbus A400M ushaǵyn jetkizý shartynda personaldy oqytý jáne tehnıkalyq qoldaý kórsetý boıynsha qyzmetter paketi qamtylǵan.

Aıta keteıik, jaqynda Memleket basshysy Qasym-Jomart Toqaev Qorǵanys mınıstri Rýslan Jaqsylyqovty qabyldap, Qarýly Kúshterdiń jaýyngerlik áleýetin odan ári arttyrý jóninde birqatar mindet júktedi.

⚠️ Wet paint 🎨
✅ The first #A400M for the Republic of Kazakhstan 🇰🇿 has rolled out of the @AirbusDefence paint shop.
✈️ MSN 139
📆 delivery in 2024
2️⃣ Kazakhstan has ordered two A400M pic.twitter.com/RnTr28ZRhK

— Airbus Defence (@AirbusDefence) April 15, 2024