Air Astana Almaty áýejaıyndaǵy reısterdiń keshigý sebebin túsindirdi
ASTANA. KAZINFORM – Almaty halyqaralyq áýejaıy men Air Astana kompanııalar toby ushý kestesin qalpyna keltirý úshin barlyq kúsh-jigerin jumsap jatqanyn habarlady.
16 aqpanda Almaty áýejaıyndaǵy qolaısyz aýa-raıyna baılanysty birqatar reıs keshikti. Tolassyz jaýǵan qardyń saldarynan ushý-qoný jolaǵyn úzdiksiz tazartý jáne ushaqtardy muzdan tazartý úshin qosymsha ýaqyt qajet boldy. Bul ushaqtardyń kelýine de áser etti.
Qonǵannan keıin keıbir ushaqtar óz ornynda qaldy, óıtkeni turaqtardyń barlyǵy halyqaralyq jáne otandyq áýekompanııalardyń tańerteńgi jáne kúndizgi reısterin oryndaǵan ushaqtarǵa toly boldy. Bul jaǵdaı búgingi kúnge deıin reısterdiń tizbekti keshigýin týdyrdy.
17 aqpanda Almaty áýejaıynda áýe kemeleriniń táýliktik ushý jáne ushý josparynyń edáýir ulǵaıýyna baılanysty reısterdiń keshigýi jalǵasty. Fors-majorlyq jaǵdaılarǵa baılanysty tehnıkaǵa, baspaldaqtarǵa, avtobýstarǵa, jol júk transportırlerine qosymsha júkteme paıda boldy, bul óz kezeginde jol júgin túsirýdi kidirti.
Air Astana áýekompanııasynyń jerústi qyzmet kórsetý jónindegi vıtse-prezıdenti Aleksandr Neboga atalǵan jaǵdaıǵa túsinikteme beredi:
«Qazirgi ýaqytta Air Astana, FlyArystan avıakompanııalarynyń jáne áýejaı qyzmetteri jaqyn arada kesteni qalpyna keltirý úshin kúsheıtilgen rejımde jumys istep jatyr. Keshikken reısterdiń jolaýshylaryna tamaq pen sýsyndar berildi. Almatyda 70-ten astam jolaýshy jáne Astanada 90 jolaýshy qonaq úılerge ornalastyryldy. Call Centre-ge qońyraý shalý úshin qosymsha qyzmetkerler tartyldy. Reısterdiń keshigýi jolaýshylarǵa qolaısyzdyqtar ákeletinin túsinemiz, biraq aýa raıy jaǵdaılary áýekompanııalardyń kestesine aıtarlyqtaı áser etýi múmkin. Óıtkeni bizdiń basty basymdylyǵymyz qaýipsizdik», - dedi ol.
Air Astana táýlik boıy kómek kórsetý úshin baılanystar: +7 727 244 4477 +7 7172 584477 +7 702 702 4477
Reısterdi keshiktirý máseleleri boıynsha jedel jeli: +7 7272 44 44 78 WhatsApp: +7 702 702 00 74
Online chat: airastana.com help.airastana.com
