AIF: CryptoCity aımaǵy Alataý qalasynda qurylady

ASTANA. KAZINFORM – Tsıfrlyq damý, ınnovatsııa jáne aeroǵarysh ónerkásibi mınıstri Jaslan Mádıev Astana halyqaralyq forýmynda Prezıdent Qasym-Jomart Toqaev aıtqan bastamanyń qalaı iske asatynyn túsindirdi.

— ⁠Árıne, CryptoCity-ge eń laıyq lokatsııa — jańadan boı kóterip kele jatqan Alataý qalasy. Bul — Prezıdentimizdiń jobasy. Mundaǵy ıdeıa — krıptovalıýta qarajat sııaqty meıramhanalarda, dámhanalarda tólem jasap, jyljymaıtyn múlik satyp alatyn, ınvestıtsııa retinde salatyn qural bolýy kerek. Bul blokcheın ındýstrııa úshin jańa serpin bolar edi, — dedi mınıstr Astana halyqaralyq forýmynyń kýlýarynda. 

Sondaı-aq, ol joba aıasynda baǵdarlamalaýshylar, AI-mamandar tartylyp, onyń áseri ekonomıkalyq ósimge serpin beretinin aıtty.

— Qazir áýeli quqyqtyq-normatıvtik aktpen jumys isteý kerek. Alataý qalasy qazir onsyz da jaqsy damyp keledi. Bizge endi retteý tetikterin jolǵa qoıý kerek. CryptoCity pılottyq aımaǵynda erkin krıptovalıýta aınalymy bolady, krıpto tólem quralyna aınalady. Osynyń bárin zańmen bektip alý kerek, — dedi Jaslan Mádıev.

Aıta keteıik, elordada Memleket basshysy Qasym-Jomart Toqaevtyń qatysýymen Astana halyqaralyq forýmy ótip jatyr.