Aıda Ábikeeva bokstan álem chempıonatynda tórtinshi altyn medaldy aldy

ASTANA. KAZINFORM — Anglııanyń Lıverpýl qalasynda World Boxing aıasynda ótip jatqan álem chempıonatynda Aıda Ábikeeva (65 keli) el quramasy qorjynyna tórtinshi altyn medaldy saldy.

Qazaqstandyq bylǵary qolǵap sheberi aqtyq synda ózbekstandyq Navbahor Hamıdovamen sharshy alańǵa shyqty.

Jekpe-jek barysynda birinshi jáne ekinshi raýndta Aıda qarsylasyna ese jiberse, sheshýshi raýndta qarsylasyn kóbirek soqqyǵa aldy. Osylaısha álem chempıony atandy.

Eske salsaq, budan buryn Mahmud Sabyrhan (55 keli), Sanjar Tashkenbaı (50 keli) jáne Alýa Balqybekova (51 keli) álem chempıony atansa, Nazym Qyzaıbaı (48 keli) kúmis júldeger boldy.

Endi keshki sessııada Tórehan Sabyrhan (70 keli) jáne Aıbek Oralbaı (90 keli), Natalıa Bogdanova (70 keli) altynǵa talasady. 

Dúbirli doda 4-14 qyrkúıek aralyǵynda Anglııanyń Lıverpýl qalasynda ótip jatyr. Jekpe-jekter «Qazaqstan» jáne «Qazsport» telearnalarynan tikeleı efırde kórsetildi.

Álemniń ár qıyrynan kelgen boksshylar 4-10 qyrkúıek aralyǵynda irikteý kezeńinde baq synady. Al 12-13 qyrkúıekte jartylaı fınaldyq, 13-14 qyrkúıekte fınaldyq básekeler ótti.