Aıda Ábikeeva álem chempıonaty fınalyna joldama aldy

ASTANA. KAZINFORM - Anglııanyń Lıverpýl qalasynda World Boxing aıasynda ótip jatqan álem chempıonatynda Aıda Ábikeeva (65 keli) fınalǵa joldama aldy.

Otandasymyz jartylaı fınalda ırlandııalyq Merrı Ýolshpen sharshy alańǵa shyqty. 

Jekpe-jek barysynda Aıdanyń belsendiligi baıqalyp turdy. Birinshi raýndta onyń jeńisine úsh tóreshi qoldaý bildirse, qalǵan ekeýi qarsylasynyń basymdyǵyn kórsetti. Ekinshi jáne úshinshi raýndta da ol saýatty oıyn kórsetti. Nátıjesinde Aıda álem chempıonaty fınalyna joldama aldy. 

Jekpe-jek barysynda ol qarsylasyna ese jiberdi. Nátıjesinde álem chempıonatynyń qola júldegeri atandy. 

Endi el quramasynan keshki sessııada Eldana Tálipova (80 keliden joǵary), Aıbek Oralbaı (90 keliden joǵary) sharshy alańǵa shyǵady.

Al 13 qyrkúıekte Mahmud Sabyrhan (55 keli), Alýa Balqybekova (51 keli), Tórehan Sabyrhan (70 keli), Natalıa Bogdanova (70 keli) fınal joldamasyn sarapqa salady.

Búgin el quramasynan Nazym Qyzaıbaı (48 keli), Sanjar Tashkenbaı (50 keli) jartylaı fınalǵa shyqty, Vıktorııa Grafeeva (60 keli) qola júldeger atandy.

Dúbirli doda 4-14 qyrkúıek aralyǵynda Anglııanyń Lıverpýl qalasynda ótedi. Jekpe-jekter «Qazaqstan» jáne «Qazsport» telearnalarynan tikeleı efırde kórsetiledi.

Álemniń ár qıyrynan kelgen boksshylar 4-10 qyrkúıek aralyǵynda irikteý kezeńinde baq synaıdy. Al 12-13 qyrkúıekte jartylaı fınaldyq, 13-14 qyrkúıekte fınaldyq básekeler ótedi.