Ahmet Baıtursynulynyń 150 jyldyǵy: Astanada halyqaralyq konferentsııa bastaldy
Shara QR Memlekettik hatshysy Erlan Qarınniń baıandamasymen bastaldy.
«Halqymyz óziniń tarıhynda erekshe oryny bar eki tulǵany «Ult ustazy» dep ardaqtaǵan. Aldymen, árıne, uly Abaıdy aıtamyz. Odan keıin Ahmet Baıtursynulynyń esimi atalady. Alash kósemi, qazaqtyń birtýar perzenti Ahmet Baıtursynulynyń týǵanyna bıyl 150 jyl tolyp otyr. Bul mereıtoıdy ıÝNESKO deńgeıinde atap ótemiz. Táýelsizdik ultymyzdyń jadyn jańǵyrtyp, tarıhı tamyrymyzdan qaıtadan nár alýymyzǵa jol ashty. Bul rette ult ustazynyń eńbegin zerdelep, ony mol murasyn urpaq sanasyna sińirý barshamyzǵa ortaq mindet. Árıne, áleýmettik jelide búgin álemde bolyp jatqan, bárimiz baıqap jatqan dúrbeleń oqıǵalar kezinde osyndaı shara ótkizýdiń qandaı mańyzy bar dep jatqandar bar. Biraq qandaı oqıǵalar oryn alsa da, biz ózimizdiń ulttyq kún tártibimizden aýytqymaýymyz kerek», - dedi Memlekettik hatshy.
Onyń paıymynsha, Ahmet Baıtursynulynyń 150 jyldyǵy ulttyq kún tártibinde turǵan ult rýhanııaty úshin úlken bir mańyzdy taqyryptardyń biri.
«Osydan týra bir ǵasyr buryn jurtymyz ult zııalylarynyń bastamasymen Ahańnyń 50 jyldyǵyn atap ótkenin barshańyz jaqsy bilesizder. Sodan beri týra bir ǵasyr ótip otyr. Bir ǵasyrdan keıin de Ahań taǵy da ultty uıystyryp, ult zııalylaryn bir jerge jınap otyr. Bul da urpaqtar sabaqtastyǵynyń bir belgisi. Búgin mine Ahań ańsaǵan táýelsiz eldiń urpaqtary onyń 150 jyldyq mereıtoıynda bas qosyp otyr», - dedi Erlan Qarın.
Q.Qýanyshbaev atyndaǵy memlekettik akademııalyq qazaq mýzykalyq-drama teatrynda ótip jatqan konferentsııaǵa laýazymdy memlekettik qyzmetkeler, alys-jaqyn shet memleketterdiń ǵalymdary, alashtanýshylar, ahmettanýshylar, ádebıetshi ǵalymdar, tarıhshylar, zııaly qaýym ókilderi, depýtattar qatysyp otyr. Sharada M. Qoıgeldıev, Sh. Qurmanbaıuly, D. Qamzabekuly, A. Fazyljanova, J. Smaǵulov, Ó. Ábdımanuly, A. Іsmaqova, J. Jaqypov, Sh.Jalmahanov, A. Salqynbaı, O. Jubaeva, Q. Kúderınova, B. Momynova, U. Erkinbaı, T. Aıtova, M. Ermuhamet, T. Shanbaı, S. Aqqululy, R. Imahanbet, Q. Saq, A. Ábsadyq, E.Tileshov pen A. Qydyrshaev jáne t.b. zertteýshiler baıandama oqıdy.
Sondaı-aq «Ahmet Baıtursynuly jáne qazaq fılologııasynyń máseleleri», «Ahmet Baıtursynuly jáne qoǵamdyq-gýmanıtarlyq ǵylymdar» atty sektsııalyq otyrystar bolady.
Konferentsııadan keıin saǵat 18.00-de Erkeǵalı Rahmadıev atyndaǵy memlekettik akademııalyq fılormonııada «Ult ustazy» atty ádebı-sazdy kesh ótedi.
