AHQO jas mamandarǵa baǵyt kórsetetin mentorlardy taýyp bermek

ASTANA. QazAqparat - Búgin elordada «Astana» Halyqaralyq qarjy ortalyǵynyń uıymdastyrýymen ótken «Be-A-Pro» kásibı jas mamandardyń ekinshi konferentsııasyna 500-ge jýyq adam qatysty, dep habarlaıdy QazAqparat tilshisi.

Shara barysynda halyqaralyq jáne qazaqstandyq úzdik 12 sarapshy Astanaǵa kelip, jastarǵa ózderiniń tabysqa jetý joldarymen bólisti. Sonymen qatar, olar jas býynnyń qyzyqtyrarlyq suraqtaryna jaýap berdi.

Máselen, qazaqstandyq kásipkerlerdiń biri Rýla Raım qazirgi kapıtaly 100 mıllıon AQSh dollary bolatyn Froot startapynyń, keıin «HAST» ekonomıkalyq qorynyń negizin qalaǵan. Qor qazirgi tańda Shveıtsarııada kompanııalar men memleketter jańa valıýtalardy qoldanysqa engize alatyndaı alańdy usyný jobasyn júzege asyrýda.

Sondaı-aq Aınur Aqqojına Qazaqstandaǵy, Eýropa elderi men Taıaý Shyǵystaǵy venchýrlyq kapıtaldardy basqarý boıynsha kompanııany tórt jyl basqaryp keledi. Ol sonymen birge Qazaqstanda jumys júrgizetin amerıkalyq úzdik kompanııalarda qarjylyq qadaǵalaýshy bolyp eńbek etken. Qazirgi tańda ol ınvestorlarǵa kómek qolyn sozatyn AQSh-taǵy TGA Capital jeke ınvestıtsııalyq kompanııanyń seriktesi bolyp otyr.

Taǵy bir spıker - «Astana» fýtbol klýbynyń atqarýshy dırektory Qaısar Bekenov. Buryn ol Ulttyq banktiń monetarly qatynastar departamentinde jumys istegen. Keıin Lıverpýlda MVA fýtbol ındýstrııasy baǵdarlamasyn bitirgen. Otanyna oralǵannan keıin «Astana» klýbynda atqarýshy dırektor, prezıdent jáne bas menedjer bolǵan.

Konferentsııada AHQO Bıýrosy mentorlyq baǵdarlamany bastaǵanyn jarııa etti. Baǵdarlama jas mamandardyń qarjylyq, ınvestıtsııalyq jáne jobalyq ındýstrııanyń kásibı sheberlerimen ózara ireket etýin kózdeıdi.

Aıta keteıik, «Be-A-Pro» qarjy sektorynyń mamandarynan keńes alý alańyn quryp, kásibı qaýymdastyqtardy qalyptastyrý maqsatynda 2017 jyly qurylǵan bolatyn.