AHQO Soty men HTO bıyl 291 isti qarady
AHQO Soty men HTO óz qyzmetin 2018 jylǵy 1 qańtarda bastady. Osy kúnge deıin AHQO Soty men HTO jalpy alǵanda 296 isti tabysty sheshti, onyń ishinde 291 is 2020 jylda qarastyryldy.
«AHQO Sotyna 12 is berildi jáne 9 sheshim shyǵaryldy. HTO-da tórelik talqylaý men medıatsııany talap etetin 282 is sheshildi. Tórelik isterdiń sany edáýir ósti, biraq isterdiń kópshiligi medıatsııa arqyly sheshildi. HTO-da daýlardy medıatsııa jolymen sátti retteý nátıjesinde osy ister boıynsha odan ári tórelik etý nemese sot talqylaýy qajettiligi azaıdy.
Іsterge 11 eldiń taraptary qatysty, onyń ishinde Qazaqstan (Qazaqstannyń 11 túrli qalalary men óńirleri), Reseı, Qytaı, Ózbekstan jáne Ulybrıtanııa bar. Daýlardyń nysanasy - boryshtyq mindettemelerge, ózge de qarjy máselelerine, qyzmetter kórsetýge, eńbek qatynastaryna jáne múlikke (onyń ishinde jer menshigine) baılanysty. Qoldanystaǵy quqyqtyq normalardyń qataryna AHQO, Qazaqstan jáne Reseı zańdary kirdi», delingen habarlamada.
Barlyq qaýly men tórelik sheshimder tıimdi oryndalýyn qamtamasyz etetin AHQO Sotynyń biregeı qadamdyq protsedýrasyn paıdalana otyryp, Qazaqstanda 100% sátti oryndaldy.
2020 jylǵy naýryzda COVID-19 jahandyq pandemııasynyń bastalýyna baılanysty AHQO Soty men HTO barlyq jumysyn onlaın rejımge aýystyrdy jáne úzdiksiz jumys istedi. Barlyq daýlar elektrondy túrde sheshildi, bul eJustice elektrondyq sot isin júrgizý júıesin qoldana otyryp júzege asyryldy. Barlyq daýlardy retteý jáne sheshý, sotqa deıingi jáne sot tyńdaýlaryn ótkizý úshin zamanaýı beınetehnologııa qoldanyldy.
«AHQO Sotynda taraptardyń múddelerin sotta qorǵaý quqyǵymen 222 zańger tirkelgen. Olardyń arasynda AQSh, Ulybrıtanııa, Eýropa, Ortalyq Azııa, Afrıka, Azııa, Aýstralııa jáne Jańa Zelandııadan tirkelgen 23 eldiń (25 ıýrısdıktsııa) zańgerleri bar. Qazirgi ýaqytta AHQO Soty men HTO búkil álemdegi halyqaralyq zań qoǵamdastyǵy dep tanyldy.
Budan basqa, AHQO Soty men HTO-nyń daýlardy retteý jónindegi úlgilik erejeleri 4 myńnan astam bıznes kelisimshartqa, atap aıtqanda, Shevron jáne «Teńizshevroıl» JShS kompanııalarynyń qatysýymen jasalǵan kelisimsharttarǵa engizildi. Bul AHQO Soty men HTO Ortalyq Azııadaǵy kommertsııalyq daýlardy sheshý úshin AHQO Soty men HTO-nyń paıdasyna tańdaý jasaıtyn uıymdar sanyn ulǵaıtý jónindegi bastamasynyń nátıjesi boldy», delingen habarlamada.
AHQO Soty men HTO daýlardy retteýdiń jergilikti jáne halyqaralyq ortalyqtarymen, zańgerler qaýymdastyqtarymen jáne oqytý boıynsha seriktestermen ózara túsinistik týraly 31 memorandýmǵa qol qoıdy. 2020 jylǵy Vebınarlar baǵdarlamasy sheńberinde AHQO Soty men HTO 31 vebınar ótkizdi, sondaı-aq AHQO Sotynyń tóraǵasy, HTO tóraǵasy, Tirkeýshi jáne apparat basshysy, AHQO Sotynyń sýdıalary, HTO tóreshileri men medıatorlaryna dárister ótkizildi. 2020 jyly AHQO Soty men HTO eki stýdenttik oıyn protsesin ótkizdi, oǵan Qazaqstan men TMD elderiniń zań salasyndaǵy joǵary oqý oryndarynyń ókilderi qatysty. Qazaqstannyń 2 myńnan astam azamaty AHQO Soty men HTO qatysýymen daýlardy retteý jónindegi halyqaralyq standarttarǵa sáıkes oqytyldy.
«2020 jyl AHQO Soty men HTO úshin aıtýly jyl boldy. Jahandyq COVID-19 pandemııasyna baılanysty týyndaǵan qıyndyqqa qaramastan, daýlardy sheshý qyzmetteri álemdegi bıznes pen isker adamdar úshin óziniń tartymdylyǵyn dáleldedi. Jańa seriktestik qarym-qatynastardy qurý jáne oqytýdyń aýqymdy baǵdarlamalaryn júrgizý nátıjesinde biz sot isteriniń sanyn edáýir ulǵaıtýǵa, sot jáne tórelik sheshimderdi tabysty oryndaýǵa qol jetkizdik, sondaı-aq Qazaqstan men Ortalyq Azııanyń zań jáne iskerlik qoǵamdastyǵyn damytýǵa eleýli úles qostyq. Bizdiń qyzmetimizdiń osy kezeńinde biz basqa halyqaralyq qarjy ortalyqtaryndaǵy daýlardy retteý jónindegi uqsas ortalyqtarmen salystyrǵanda, kútkenimizden asyp túsetin aıtarlyqtaı nátıjege qol jetkizdik. Bizdiń bolashaqqa degen josparymyz bar jáne biz 2021 jyldy asyǵa kútemiz», - dedi AHQO Sotynyń jáne HTO Tirkeýshisi jáne apparat basshysy Krıstofer Kempbell-:
Aıta keterligi, «Astana» halyqaralyq qarjy ortalyǵy Qazaqstan Respýblıkasynyń Tuńǵysh Prezıdenti – Elbasy Nursultan Nazarbaevtyń bastamasymen «Bes ınstıtýtsıonaldyq reformany júzege asyrý jónindegi 100 qadam» Ult jospary sheńberinde quryldy.
2020 jylǵy 2 shildede AHQO basqarý jónindegi keńestiń otyrysy sheńberinde Ortalyqtyń 2025 jylǵa deıingi Damý strategııasy qabyldandy.
Oǵan sáıkes AHQO-nyń paıymdaýy Ortalyq Azııa, Kavkaz, EAEO elderi, Batys Qytaı, Mońǵolııa jáne Shyǵys Eýropany qamtıtyn óńirdegi jetekshi halyqaralyq qarjy ortalyǵy retinde qalyptasýynda bolyp otyr.
AHQO mıssııasy óńirdiń turaqty uzaq merzimdi damýyna járdemdesý bolyp tabylady. Memleket basshysy Q. Toqaev atap ótkendeı, «AHQO óziniń biregeı múmkindikterimen óńir elderin baılanystyratyn ámbebap platforma retinde áreket ete alady».
AHQO-nyń turaqty damýynyń strategııalyq baǵyttary tuıyq tsıkldi ekonomıkany, qarjylyq tehnologııalardy jáne «tsıfrlyq qarjy ortalyǵyn» damytýdy qamtıdy.
AHQO Soty táýelsiz organ bolyp tabylady jáne Anglııa men Ýelstiń jalpy quqyq qaǵıdattaryna jáne jetekshi halyqaralyq qarjy ortalyqtarynyń standarttaryna negizdelgen.
AHQO soty birinshi satydaǵy sottan jáne apellıatsııalyq sottan turady. Kúrdeliligi men somasy boıynsha bolmashy daýlardy jedel sheshýdi qamtamasyz etý úshin birinshi satydaǵy sotqa usaq daý-damaılar soty kiredi.
AHQO soty ákimshilik jáne qylmystyq sot isin júrgizýdi júzege asyrmaıdy jáne qatysýshylar, AHQO organdary arasyndaǵy daýlardy jáne AHQO quqyǵyna sáıkes AHQO-da júzege asyrylǵan operatsııalar boıynsha daýlardy sheshýdi qamtamasyz etý úshin aıryqsha ıýrısdıktsııasyna ıe. Sonymen qatar, AHQO soty taraptardyń kelisimi boıynsha AHQO sotyna berilgen daýlardy qaraı alady.
AHQO halyqaralyq tórelik ortalyǵy (AIFC International Arbitration Centre) táýelsiz organ bolyp tabylady jáne jetekshi halyqaralyq qarjy ortalyqtarynyń standarttaryna sáıkes qurylǵan.
HTO tóreshileriniń quramyna jer qoınaýyn paıdalaný, saýda, munaı-gaz sektory, qurylys, energetıka, ıslam qarjysy, bankıng, zııatkerlik quqyq salalarynda jáne kommertsııalyq jáne azamattyq quqyqtyń basqa da salalarynda tórelik boıynsha kóp jyldyq tájirıbesi bar jetekshi halyqaralyq tóreshiler kiredi.
