AHQO qazaqstandyqtardy aktsııa saýdasyna tartpaq
AIX basqarma tóraǵasy Tım Bennet baspasóz məslıhatynda məlim etkendeı, «Qazatomónerkásip» ulttyq atom kompanııasynyń qundy qaǵazdar boıynsha saýda aınalymynyń 66 paıyzyn bólshek saýda ınvestorlary qamtamasyz etip otyr. Ulttyq kompanııanyń aktsııalaryn Biryńǵaı jınaqtaýshy zeınetaqy qory byltyr qarasha aıynda «Qazatomónerkásip» aktsııalaryn satyp alǵan bolatyn.
Osy ýaqyt ishinde «Qazatomónerkásip» qundy qaǵazdarynyń saýda kóleminiń aınalymy 15,9 mln dollarǵa jetken.
«Bólshek saýda ınvestorlary ІRO-ǵa qatysa alýy úshin biz «Samuryq-Qazyna» qorymen birlese jumys júrgizemiz. Álbette, Qazaqstanda barlyq adam aktsııaǵa ınvestıtsııa satyp ala almaıdy. Alaıda biz bólshek saýda ınvestordlarynyń bazasyn kúsheıtkimiz keledi. «Qazatmoóndiris», «Qazaqtelekom», «Eır Astana» sekildi kompanııalar - qor naryǵyndaǵy ınvestorlar úshin óte jaqsy múmkindik», - deıdi Tım Bennett.
Onyń aıtýyna qaraǵanda, 20-30 myńǵa tarta qazaqstandyq bırjada qazirgi tańda belsendilik tanytyp jatyr.
«Halyqaralyq kórsetkishtermen salystyrsaq, bul álbette kóp emes. Sol sebepti, aldaǵy 12-18 aıda bólshek saýda ınvestorlarynyń bazasyn keńeıtýdi kózdep otyrmyz», - deıdi ol.
AIX basshysy «Qazatomóndiristiń» ІRO-ǵa shyǵýyn sátti qadamǵa balaıdy.
«Investor úshin ótimdilik qandaı, aktsııalardyń aınalymynyń aýqymy qandaı degen suraqtar tolǵandyrady. Damyǵan naryqtarda aınalym ótimdiligi 20-30 paıyz mólsherinde bolsa, «Qazatomóndiriste» qazirdiń ózinde 40-50 paıyz bolyp otyr. Áý basta biz kútken kórsetkishten joǵary. Álbette, «Qazatomóndiris» - basynda bastalǵan jumys. Alda áli aýqymdy jumystar men tapsyrmalar tur», - deıdi Tım Bennet.
Eske sala ketsek, AIX basqarma tóraǵasy Tım Bennet buǵan deıin QR Qarjy mınıstrligi úsh iri kompanııa - «Air Astana», «QazMunaıGaz» ulttyq kompanııasy men «Qazaqtelekomǵa» qatysty IPO merzimin aıqyndaǵanyn aıtqan edi.
