Aǵylshyn tilindegi «Amanaı men Zamanaı» povesiniń tusaýy kesildi
Osyǵan deıin qazaq ádebıetiniń qaımaqtary Muhtar Áýezov, Ábish Kekilbaev, Oralhan Bókeevtiń eńbekteri aǵylshyn tiline aýdarylsa, endi mine, Sáken seri Júnisovtiń qalamynan týǵan tamasha shyǵarma tórtkúl dúnıege jol tartyp otyr.
Sharaǵa Aqmola oblysynyń ákimi Málik Myrzalın qatysyp, sóz sóıledi.
«Elbasy Nursultan Nazarbaevtyń «Bolashaqqa baǵdar: rýhanı jańǵyrý» baǵdarlamasynda qoıylǵan mindetter údesinen shyǵý úshin sharýany sátimen sabaqtap jatyrmyz. Osynyń aldynda akademık-jazýshy Málik Ǵabdýllınniń 11 tomdyǵyn halyqaralyq qazaq PEN-klýby arqyly jaryqqa shyǵarǵan edik. Búgingi qýanysh sonyń sátti jalǵasy», - dedi M.Myrzalın.
Sáken serini aǵylshyn tilinde sóıletýge zor úles qosqan halyqaralyq qazaq PEN-klýbynyń prezıdenti Bıgeldi Ǵabdýllın óz sózinde aýdarma máselesine toqtaldy. Sonymen qatar, Sáken seri arqyly qazaq ádebıetiniń kesek týyndysynyń kemel beınesin jarty álemniń jurtshylyǵy tanyp biletindigi de sóz boldy.
Sáken seri Júnisovtiń «Amanaı men Zamanaı» povesiniń qazaq prozasyndaǵy orny erekshe. Týyndyda jıyrmasynshy ǵasyrdyń otyzynshy jyldaryndaǵy el ishindegi ahýal, sol bir «tar jol, taıǵaq keshý» zamanda týǵan topyraǵynan údere kóshken qalyń qazaqtyń zar-muńy sıpattalǵan. Basqa túsken taǵdyr tálkeginen tórtkúl dúnıege tarydaı shashylǵan beıkúná adamdardyń týǵan jerge degen sarytap saǵynyshy sóz bolady.
Esimderi álemge áıgili Saımon Geıgan, Saımon Hollıngsvorta tárizdi aýdarmashylar da shyǵarmaǵa óziniń oń baǵasyn bergen.
