Agrarshy ǵalymdar Elbasy usynǵan 5 reformany júzege asyrý máselelerin talqylady
Prezıdenttiń ıgi bastamasyn qoldaı otyryp, ǵalymdar jahandyq syn-qaterler jaǵdaıyndaǵy táýelsiz elimizdiń turaqtylyǵy men tabystylyǵyn arttyrýǵa baılanysty naqty usynys-pikirlerimen bólisip, aldaǵy josparlaryn pysyqtady .
Forým jumysyna Qazaqstan Respýblıkasynyń Aýyl sharýashylyǵy mınıstrliginiń ǵylymı-zertteý ınstıtýttary basshylary men ǵalymdary, joǵary oqý oryndarynyń rektorlary, sharýashylyq jetekshileri, agrarlyq salanyń ózge de bilikti mamandary men Qazaq ulttyq agrarlyq ýnıversıtetiniń oqytýshy-professorlary, doktoranttar men magıstranttar qatysty.
Ǵalymdar Forýmyn Qazaq ulttyq agrarlyq ýnıversıtetiniń rektory, akademık Tilektes Espolov kirispe sózben ashyp, «Jalpyǵa ortaq damyǵan memleket: ınstıtýtsıonaldyq bes reforma» taqyrybynda keń kólemdi mazmundy baıandama jasady.
«Jahandyq qaterlerge bergen qazaqstandyq jaýap sanalatyn bes reforma - qoǵamda úlken qozǵaýshy kúshke ıe bolyp, álemdik qaýymdastyqty da moıyndatyp otyr. Táýelsiz memleketimizdiń ınnovatsııalyq baǵytta qarqyndy damýyna jol ashatyn bul strategııalyq sheshim - qazaqstandyqtardy biriktirip, otandyq ekonomıkany órkendetip, halyqtyń ál-aýqatyn kóterip, bilim, ǵylym, óndiris salasynda qolǵa alynǵan memlekettik baǵdarlamalardy tıimdi iske asyrýǵa jańa múmkindikterge jol ashpaq», - dep atap kórsetti Qazaq ulttyq agrarlyq ýnıversıtetiniń rektory Tilektes Espolov óz sózinde.
Onyń aıtýynsha, bul rette Prezıdent usynǵan 5 ınstıtýtsıonaldy reforma - ulttyq ekonomıka men zamanaýı júıedegi bilim men ǵylymdy damytýdyń negizgi kilti bolyp tabylady. Sondyqtan, memleket anyqtaǵan talaptar boıynsha ıntellektýaldy ult retinde qalyptasqan, damyǵan Qazaqstan qoǵamyn qurý úshin sheshiletin mindetterdi aıqyndap, olardy kezeń-kezeńimen júzege asyrýǵa árqaısymyzdyń qosar úlesimiz mol bolýǵa tıis.
Forým barysynda Qazaq eginshilik jáne ósimdik sharýashylyǵy ǴZI dırektory S.B. Kenenbaev, Qazaq aýyl sharýashylyǵyn mehanızatsııalaý jáne elektrlendirý ǴZI dırektory S.A Keshýov, Ósimdik qorǵaý jáne karantındeý ǴZI dırektory A.O.Saǵıtov, Qazaq ǴZ veterınarııa ınstıtýtynyń dırektory A.A.Sultanov, Qazaq AÓK ekonomıkasy jáne aýyldyq óńirlerdi damytý ǴZI dırektorynyń orynbasary V.V. Grıgorýk syndy ǵalymdar sóz alyp, Prezıdent usynǵan reformalardy iske asyrý baǵytyndaǵy bilim men ǵylymǵa júkteletin mindettemelerdi saralady.
Ǵalymdar forýmy Joǵary oqý oryndary men Ǵylymı-zertteý ınstıtýttaryna arnaıy jumysshy tobyn quryp, Memleket basshysy usynǵan 5 ınstıtýtsıonaldy reformany júzege asyrýǵa baǵyttalǵan is-sharalar josparyn daıyndap, Aýyl sharýashylyǵy mınıstrligine tapsyrýdy usynyp otyr. Búgingi kúni memleket talaptaryn oryndaýda agrarlyq bilim men ǵylymnyń jaýapkershiligi mol jáne atqaratyn isteri de kólemdi.
Forým jumysynyń qorytyndysy boıynsha jańa reformany qoldaýǵa negizdelgen qararqabyldandy. Onda ǵalymdar forýmynyń maqsat-mindetteri men ekonomıkany órkendetýdegi ınnovatsııalyq bilim men ǵylym salasynyń aldaǵy ýaqytta atqaratyn jumys baǵyttary aıqyndaldy.
