«Agrarlardy otandyq tehnıka qyzyqtyra bastady» - respýblıkalyq basylymdarǵa sholý

TANA. 17 qyrkúıek. QazAqparat - Qazaq aqparat agenttigi respýblıkalyq basylymdarda 17 qyrkúıek, senbi kúni shyqqan ózekti materıaldarǵa sholýdy usynady.

***

Keshe Elbasy Nursultan Nazarbaev Atyraýdaǵy birneshe nysannyń jumysymen tanysty. Memleket basshysy munaıly óńirdegi jumys saparynyń alǵashqy kúnin «Floýserv-Qazaqstan» serik­tes­ti­giniń sorǵy jabdyqtaryn jóndeıtin servıs ortalyǵynan bastady. Osyǵan oraı «Egemen Qazaqstan» gazetiniń senbilik sanynda «Munaıly óńirdiń mol múmkindigi» degen taqyryppen kólemdi maqala jarııalandy. Basylymnyń atap ótýinshe, bul munaıly óńirde údemeli ın­dýs­trııalyq-ınnovatsııalyq damý baǵdarlamasy aıasynda iske qo­sylǵan irgeli jobanyń biri. Jobany iske asyrý maqsatynda sa­lynǵan ınvestıtsııalyq qarjy­nyń 2,5 mlrd. teńgesi aǵymdaǵy jyldyń birinshi jartysynda ıgerilgen. Elbasynyń jumys sapary jaıynda tolyǵyraq basylymnan oqyp bilesizder.

«Egemen Qazaqstan» gazetiniń jazýynsha, keshe Astanada Baılanys jáne aqparat mınıstri Asqar Jumaǵalıev pen «Qazaqstan temir joly» UK» AQ prezıdenti Asqar Mamın 4 myń shaqyrymdyq jańa optıkalyq tal­shyq­ty baılanys jelisin iske qosty. Ol tranzıttik jáne respýblıkaishilik temir jol tasymalyn senimdi aqparatpen qamtıdy jáne temir joldyń básekelestik áleýetin joǵarylatýǵa qyzmet etedi. Optıkalyq talshyqty baıla­nys jelisi respýblıka temir jo­ly­nyń Astana-Pavlodar - Se­meı-Aqtoǵaı, Shý-Arys (Sa­ry­aǵash arqyly Ózbekstan sheka­ra­syna shyǵý) - Qyzylorda-Qan­dyaǵash; Kók-Jańaesil (Presnogorkov stansasyna shyǵý) - Qos­tanaı óńirleri arqyly strate­gııa­lyq jelilerin basyp ótedi. Bar­lyǵy tórt myń shaqyrymǵa jýyqtaıdy. Tolyǵyraq «Talshyqty jeli iske qosyldy» degen taqyryptan bile alasyzdar.

***

«Otandyq kásiporyndardyń boıyna qan júgire bastaǵany qýantady. Sonyń biri - sońǵy jyldary «Belarýs» traktoryn jınaýdy qolǵa alǵan - «SemAZ» mashına qurastyrý kásiporny. Jumysyn jolǵa qoıyp, ábden meńgerip alǵan kásiporyn iske kiriskeli beri 1500-den astam traktordy qurastyrǵan. Negizi, áý basta qarjy bólip, osy jumysqa nazar aýdarǵandaǵy túpkilikti maqsat oryndaldy. 2009 jyly «QazAgroQarjy» AQ osy isti júzege asyrý úshin 1,03 mıllıard teńge kóleminde ınvestıtsııa bólgen. Al jobanyń jalpy quny - 1,2 mıllıard teńge», - dep jazady «Aıqyn» gazeti. Maqala «Agrarlardy otandyq tehnıka qyzyqtyra bastady» degen taqyryppen berilgen.

Kórermenniń kózaıymyna aınalǵan «Eki juldyz» jobasynyń 4-shi maýsymynyń saltanatty tusaýkeser keshi ótti. «Juldyzdy jekpe-jek» Qazaqstan ulttyq telearnasynan 24 qyrkúıekten bastap, ár senbi saıyn kórsetiledi. Jobanyń jańa maýsymy burynǵydan ózgerek bolmaq. Jańa maýsym qatysýshylary tek kásibı ánshilerden quralyp, «Eki juldyz» sahnasy naǵyz dúldúlder men bulbuldardyń báıgesi ótetin alańǵa aınalady. Sonymen bul báıgege qandaı ánshilerdiń qatysatynyn bilgińiz kelse «Aıqyn» gazetindegi «Juldyzdar jekpe-jegi bastalady» degen maqalaǵa nazar aýdaryńyz.

***

Qazaqstan Kedendik odaqqa kirgen soń, syrttan ákelinetin avtokólikterdiń kedendik tólemderi qymbattady. Qazirgi tólemniń quny burynǵymen salystyrǵanda úsh ese joǵary. Jańa tólemniń sharty boıynsha biryńǵaı kedendik tarıf tólemderi qazirgi naryqtaǵy kólikterdiń baǵasynan asyp túsýde. Osyndaı jaǵdaı otandastarymyzdyń syrttan kólikterin rásimdep kelýine sebep bolyp, kólik satyp alýshylar kedendik rásimdeýdi aınalyp ótýdiń amalyn tapty. Avtokólikterdi kórshiles Qyrǵyzstanǵa baryp tirketip, keıin elimizge aıdap ákeledi. Bul jaıynda «Alash aınasy» gazetindegi «Kúdigi kóp qyrǵyz kóligi» degen taqyryptaǵy maqalada jan-jaqty baıandalǵan.