AES týraly referendýmda qazaqstandyqtarǵa qandaı suraq qoıylýy múmkin

ASTANA. KAZINFORM –  Májilis depýtaty Erlan Saırov Parlament palatalarynyń birlesken otyrysynan keıin kúzde ótedi delingen AES salý jónindegi referendým týraly pikir bildirdi.

«Meniń oıymsha referendýmda «Siz Qazaqstanda atom elektr stantsııasyn salýdy qalaısyz ba, qalamaısyz ba?» degen suraq qoıylý kerek», - dedi depýtat.

Depýtattyń oıynsha ol AES-ti qaı eldiń tehnologııasy boıynsha salý kerektigin sarapshylar anyqtaý kerek.

«Sonda qaı eldiń tehnologııasy boıynsha salý kerek degen suraq referendýmda qoıylmaı ma?», - dep surady BAQ ókili.

«Ol endi sarapshylardyń jumysy ǵoı», - dedi Erlan Saırov.