AES salǵansha kún men jel energetıkasyn nege damytpasqa – mınıstrdiń jaýaby
«Birinshi másele baǵaǵa baılanysty. Jańartylatyn energııa kózderiniń qazirgi tarıfi, árıne, bizdiń qoldanystaǵy dástúrli stansalardaǵydan qymbat. Ekinshiden, ókinishke qaraı, jańartylatyn energııa kózderi manevrge ıkemsiz, stansalardyń tiregine aınala alady deýge de kelmeıdi. ıAǵnı, úzilissiz qýat bere almaıdy. Óıtkeni tabıǵattyń jaratylysy solaı – ne únemi jel soǵyp turýy kerek, ne únemi kún shyǵyp turýy shart», -dedi mınıstr.
Onyń aıtýynsha jel men kúnnen alatyn qýatty da generatsııalaýǵa bolady.
«Ol biraq taza generatsııa emes, akkýmýlıatsııa ǵana. Jel nemese kún kózi mol bolǵan kezde artyǵymen qýat jınaqtap, qaýyrt saǵattarda tapshylyqtyń ornyn jabýǵa bolady. Biraq bul tehnologııa áli jetkilikti damyp úlgergen joq. Onyń ústine qymbat», - dedi Bolat Aqsholaqov.
Vedomstvo basshysy Qazaqstannyń jaǵdaıynda atom elektriniń ornyn gaz da basa almaıdy degen paıym aıtty.
«Qazaqstannyń bul salada kómirtegi beıtaraptyǵy týraly saıasat ustanyp otyrǵanyn bilesizder. Kómir jaǵatyn úlken stansalardy jobalaı almaımyz. Mundaı talappen tek gazdy jaǵýǵa bolady. Qazaqstannyń energetıkalyq teńgerimine 17 GVt energııa kerek desek, onyń bárin gazben jabý úshin orasan mol gaz kerek. Qýaty 1 GVt bolatyn stansa jumys isteýi úshin shamamen 2 mlrd tekshe metr gaz qajet. 17 GVt qýatty gazdan alatyn bolsaq, bizde ondaı mólsherdegi shıkizat ta joq. Onyń ústine biz gazdy óńirlerdi gazdandyrýǵa jumsap jatyrmyz. Gaz munaımen biriktirip, basqa da ónimder alýǵa taptyrmaıtyn shıkizat. Osynyń bárin eskersek, bizde atom energetıkasyn damytýdyń úlken áleýeti bar», - dedi Energetıka mınıstri.
