AES qurylysynda sońǵy býyndy tehnologııalarǵa erekshe mán bergen jón - ekolog

ASTANA. QazAqparat – Bul týraly L.N. Gýmılev atyndaǵy EUÝ-da Qorshaǵan ortany basqarý jáne ınjınırıng kafedrasynyń meńgerýshisi, professor Raıhan Beısenova aıtty, dep habarlaıdy QazAqparat tilshisi.

«Meniń oıymsha, Qazaqstanǵa atom elektr stantsııasy kerek. Biraq sońǵy býyndy tehnologııalarǵa erekshe mán bergen jón. Birinshiden, elimizde AES-ke qajet shıkizat bar, ýran qory jetkilikti. ıAǵnı, ózimizde óndirilip jatqan otyndy paıdalaný kerek. Elimizde kómir jaǵatyn jylý elektr stantsııalary aýany lastap jatqanyn bilemiz. Osy zııandy zattar adam densaýlyǵyna keri áser etip jatyr. Al AES arqyly zııandy zattardy azaıtýǵa bolady», - dedi Raıhan Beısenova.

Ekologtyń paıymynsha, qoǵamda atom elektr stantsııasyna qatysty tyńǵylyqty aqparat berý mańyzdy. ıAǵnı, onyń elimizdegi elektr energııasy men ekologııa máselesin sheshýdegi ońtaıly tustaryn túsindirgen jón.

«Keı kezderi bul baǵytta jalǵan, shyndyqqa janaspaıtyn aqparat kóp tarap jatady. Sondyqtan halyqqa sala mamandarynyń jan-jaqty zerdelengen pikiri kerek. Buǵan deıin Chernobyldegi, Fýkýsımadaǵy apattardan keıin adamdarda úreı bar. Máselen, Japonııada tabıǵı apattar AES-ke qaýip tóndirdi. Al bizde sonshalyqty tabıǵı apattardan qaýip joq desek bolady. Eń bastysy, bizde adamı faktorlardy boldyrmaýǵa nazar aýdarý kerek. Qazir zamanaýı AES reaktorlarynda qaýipsizdik egjeı-tegjeıli qamtamasyz etilgenin bilemiz. Biraz memlekette osyndaı stantsııalar salynyp jatyr. Sondyqtan qoǵamda osynyń bárin túsindirý qajet», - dedi professor.

Buǵan deıin habarlanǵandaı, atom elektr stantsııasy qurylysynyń eń qolaıly aýdany retinde Almaty oblysy, Jambyl aýdany Úlken aýylynyń aýmaǵy tańdaldy.