AES qurylysyna qatysty referendým qashan ótedi – Energetıka mınıstriniń boljamy

ASTANA. QazAqparat - Parlament palatalarynyń birlesken otyrysynan keıin Energetıka mınıstri Almasadam Sátqalıev AES qurylysyna qatysty refordým ótkizý merzimine oraı pikir bildirdi, dep habarlaıdy QazAqparat tilshisi.

«Referendým máselesi qalaı jasaqtalady? Menińshe, ol Parlament depýtattaryn, qoǵam ókilderin, belsendilerdi, sala sarapshylaryn jumyldyrý arqyly ujymdyq jumys bolar. Sol jumystyń qorytyndysynda tıis habarlandyrý jasalady», - dedi mınıstr BAQ ókilderiniń saýalyna oraı.

Onyń atap ótýinshe, álemde AES salý týraly sheshim qabyldanyp, nysan salynǵanǵa deıingi aralyqqa ortasha eseppen 15 jyl ketedi.

«Stansa qurylysy kezinde jobalaýǵa, tehnologııaǵa irikteýge 3-4 jyl, odan keıin qurylys jumystaryna 12 jylǵa deıin ýaqyt ketedi. ıAǵnı, bul uzaq protsess», - dedi Almasadam Sátqalıev.

Sonymen qatar ol Qazaqstanda energetıkany damytýǵa qatysty naqty jospardyń bar ekendigin atap ótti.

«Bizde zor áleýet bar. Elimizde energetıkany damytýǵa qatysty naqty jospar túzilgen. Prezıdent janyndaǵy elektr-energetıka keshenin damytý jónindegi keshende Qazaqstannyń taıaý jyldardyń ishinde-au elektr energetıkasyna, munaıónimderi men ózge de qajetti resýrstarǵa táýelsizdigin kózdeıtin bazalyq ádis qaralǵan bolatyn», - dedi ol.