AES qurylysyna qatysty referendým ótetin kún qashan jarııalanady

Energetıka mınıstri Almasadam Sátqalıev AES qurylysyna qatysty referendým ótetin kún qashan jarııalanýy múmkin ekenin aıtty, dep habarlaıdy Kazinform.

Onyń atap ótýinshe, Qazaqstannyń atom stansasy kompanııasynyń, Ulttyq ıadrolyq ortalyqtyń, ózge de ınstıtýttardyń ókilderi kestege saı elimizdiń qalalaryn aralap, turǵyndarmen, múddeli taraptarmen kezdesý ótkizip júr. Júzdesýler barysynda halyqty tolǵandyrǵan atom stansasyna qatysty saýaldarǵa tolyqqandy jaýap berýde. Osy konsýltatsııalar aıaqtalǵannan keıin AES qurylysyna qatysty referendým ótetin kún jarııa etilýi múmkin.

«Qoǵammen jaqsy dıalog júrip jatyr, qyzyǵýshylyqtyń joǵary ekenin de baıqap otyrmyz.

Muny ústine halyq tarapynan kásibı qyzyqshylyq bar. Atalǵan konsýltatsııalardyń kóptegen qatysýshysynyń tarapynan atom stansasy qurylysy bastamasyna qoldaýdyń bar ekendigi qýantad. Bul jumysty jalǵastyramyz. Mamandarymyz Qaraǵandy, Astana syndy birqatar qalada bolyp úlgerdi. Munan arǵ keste de jarııa etiledi. Konsýltatsııalar qorytyndynda referendým ótetin kún jarııalanyp qalar. Ázirshe maǵan ol belgisiz», - dedi mınıstr BAQ ókilderine arnalǵan baspasóz máslıhatynda.